চিৰাং,24 ফেব্ৰুৱাৰী:চিৰাঙৰ গৰুভাষাত আৰক্ষীৰ অভিযানত পশুধন সৰবৰাহ কৰা বাহনসহ চোৰাং গৰু ব্যৱসায়ত জড়িত তিনিগৰাকী ব্যক্তিক কৰায়ত্ত ৷ মঙলবাৰে নিশা চিৰাং আৰক্ষীয়ে এক অভিযান চলাই এখন ট্ৰাকেৰে চোৰাং পশুধনসমূহ লৈ গৈ থকা অৱস্থাত উদ্ধাৰ কৰে 15 টা গৰুৰ লগতে 7 টাকৈ ম'হ ৷ চোৰাং গৰু আৰু ম'হকেইটা উদ্ধাৰ কৰাৰ লগতে আৰক্ষীয়ে ট্ৰাকখন জব্দ কৰে ৷
গৰুভাষা আৰক্ষী চকীৰ ভাৰপ্ৰাপ্ত বিষয়া শংকৰ পাটগিৰিৰ নেতৃত্বত চলা এই অভিযানত চম্পাৱতী আৰু গৰুভাষাৰ মাজৰ শ্যামঠাইবাৰী নামৰ ঠাইত বাহনৰ চালকসহ অন্য দুগৰাকী যুৱকক ঘটনা সন্দৰ্ভত আৰক্ষীয়ে আটক কৰে ৷ আটকাধীন যুৱক কেইজন ক্ৰমে আমজাদ আলী (28), তাহেৰ আলী শেইখ (26) আৰু চফিয়ান মোল্লাহ (40) ৷