চিৰাং, 22 অক্টোবৰ : বঙাইগাঁও জিলাৰ ডাংতল খণ্ড উন্নয়ন বিষয়াৰ কাৰ্যালয়ৰ অধীনৰ নৰ্থ বইটামাৰী গাঁও পঞ্চায়তত চলিছে চৰম অৰাজকতা ৷ পঞ্চায়তখনৰ প্ৰতিনিধি, সচিব আৰু অভিযন্তাই দুজন ভেণ্ডৰৰ লগত মিলি এফালৰ পৰা লুটপাত আৰম্ভ কৰিছে ৷ পঞ্চায়তখনত প্ৰতিটো কামেই অতি নিম্ন মানৰ কাম কৰি এফালৰ পৰা সৰকাই গৈছে চৰকাৰী ধন ৷ বঙাইগাঁও জিলা পৰিষদৰ মুখ্য কাৰ্যবাহী বিষয়া নাদিৰা খাতুন আৰু ডাংতল খণ্ড উন্নয়ন বিষয়া কিশোৰ কলিতাৰ নেতৃত্বতেই জিলাখনৰ প্ৰতিটো পঞ্চায়তত চলিছে চৰকাৰী ধনৰ হৰলুকি, চৰকাৰী আঁচনিৰ ৰূপায়নত ব্যাপক দুৰ্নীতি, নিম্নমানৰ কামৰ অভিযোগ, খেলিমেলি, কেলেংকাৰী আদি ৷
পঞ্চায়তটোৰ প্ৰায় পাঁচ লাখ টকা ব্যয়েৰে চৰকাৰী আচঁনিৰ নলা নিৰ্মাণৰ কাম চলি আছে ৷ কিন্তু নলা নিৰ্মাণৰ কাম-কাজ পাঁচ ইঞ্চি গাঁঠনিৰে কৰাৰ বাবে অতি নিম্ন মানৰ হোৱাত প্ৰতিবাদ সাব্যস্ত কৰে দুই স্থানীয় যুৱকে ৷ কিন্তু এই প্ৰতিবাদ সাব্যস্ত কৰাৰ বাবেই দুয়োগৰাকী যুৱক ৰোষত পৰে পঞ্চায়ত আৰু চৰকাৰৰ ৷ যুৱক দুজনৰ বিৰুদ্ধে থানাত এজাহাৰ দাখিল কৰাৰ লগতে প্ৰেৰণ কৰা হয় জেললৈ ৷