নগাঁৱৰ ৰাঙলুত বাগৰিল শাল কাঠ ভৰ্তি বাহন

পাছফালৰ পৰা অহা বাহনখনৰ পৰা কোনো লোকে টাটা  ম'বাইলখনৰ পিনে লক্ষ্য কৰি দলিয়াইছিল শিলগুটি ৷ শিলগুটি মৰাৰ ফলতে নিয়ন্ত্ৰণ হেৰুৱাই পথৰ মাজতে বাগৰি পৰে টাটা ম'বাইল খন ৷

নগাঁও, 18 চেপ্তেম্বৰঃ নগাঁৱৰ ৰাঙলুত পথ দুৰ্ঘটনা ৷ হোজাইৰ নীলবাগানৰ ফালৰ পৰা আহি থকা অৱস্থাত দুৰ্ঘটনাগ্ৰস্থ হয় AS-01-JC-3348 শাল কাঠ ভৰ্তি টাটা ম'বাইলখন৷ প্ৰত্যক্ষদৰ্শীৰ ভাষ্য অনুসৰি, দুৰ্ঘটনাগ্ৰস্থ বাহনখনৰ পাছে পাছে আহি আছিল আন এখন বাহন ৷ পাছফালৰ পৰা অহা বাহনখনৰ পৰা কোনো লোকে টাটা ম'বাইলখনৰ পিনে লক্ষ্য কৰি দলিয়াইছিল শিলগুটি ৷ শিলগুটি মৰাৰ ফলতে নিয়ন্ত্ৰণ হেৰুৱাই পথৰ মাজতে বাগৰি পৰে টাটা ম'বাইল খন । পাছত ঘটনাস্থলীৰ পৰা পলায়ন কৰে টাটা ম'বাইল খনৰ চালকৰ লগতে পাছে পাছে খেদি অহা বাহনখন ।

আনহাতে, গাড়ী খনত থকা শাল কাঠ খিনি চোৰাং কৈ অনা বুলি সন্দেহ প্ৰকাশ স্থানীয় ৰাইজৰ । যাৰ বাবে ঘটনাক কেন্দ্ৰ কৰি উত্তেজনাৰ সৃষ্টি হয় ৰাঙলুত ৷ ঘটনাস্থলীত ৰাঙলু আৰক্ষী উপস্থিত হৈ নিয়ন্ত্ৰণ কৰে পৰিস্থিতি ।