চিৰাং, 4 জানুৱাৰী : "মুখ্যমন্ত্ৰী ড৹ হিমন্ত বিশ্ব শৰ্মাই কোচ ৰাজবংশী জনগোষ্ঠীৰ জনজাতিকৰণৰ সমস্যাটোক ভোট বেংক হিচাপে ব্যৱহাৰ কৰি আছে" বুলি মুখ্যমন্ত্ৰীৰ জনজাতিকৰণ সম্পৰ্কীয় মন্তব্যৰ বিপৰীতে সোমবাৰে চিলাৰায় উন্নয়ন মঞ্চ (Chilarai Development Fourm) ৰ সভাপতি তথা কমতাপুৰ স্বায়ত্ব শাসিত পৰিষদৰ বিক্ৰমজিৎ ৰায়ে প্ৰতিক্ৰিয়া ব্যক্ত কৰে (President Bikramjit Ray criticize CM) ।
নতুন বছৰটোৰ পহিলা জানুৱাৰীত অসমৰ মুখ্যমন্ত্ৰী ড৹ হিমন্ত বিশ্ব শৰ্মাই অসমৰ ছয় জনগোষ্ঠীৰ জনজাতিকৰণৰ ক্ষেত্ৰত প্ৰদান কৰা মন্তব্যক লৈ সমগ্ৰ ৰাজ্যজুৰি জনজাতিকৰণৰ দাবী কৰা সংগঠনসমূহৰ মাজত তীব্ৰ প্ৰতিক্ৰিয়াৰ সৃষ্টি কৰিছে । মুখ্যমন্ত্ৰীৰ এনেধৰণৰ মন্তব্য কোচ ৰাজবংশী জাতীয় সংগঠন চিলাৰায় উন্নয়ন মঞ্চই সহজভাৱে মানি ল'ব পৰা নাই বুলি মন্তব্য কৰে ৰায়ে ৷
কোচ ৰাজবংশী লোকসকলক ভোট বেংক হিচাপে ব্যৱহাৰ কৰিছে মুখ্যমন্ত্ৰীয়ে