বঙাইগাঁও, 26 ডিচেম্বৰঃ " অসমত নাগৰিকত্ব সংশোধনী আইন বিৰেধী আন্দোলন তল পেলাবলৈ অসম চৰকাৰে বিটিচিত অসমীয়া ভাষাক সহযোগী ভাষা হিচাপে ঘোষণা কৰিছে ৷" বৃহস্পতিবাৰে বঙাইগাঁও প্ৰেচক্লাৱত কোকৰাঝাৰ লোকসভা সমষ্টিৰ সাংসদ নৱ কুমাৰ শৰনীয়াই সংবাদমেল সম্বোধন কৰি এই মন্তব্য প্ৰকাশ কৰে ৷
সংবাদমেলত সাংসদ গৰাকীয়ে , শেহতীয়াকৈ অসম চৰকাৰে কেবিনেটত বিটিচিত অসমীয়া ভাষাক সহযোগী ভাষা হিচাপে ঘোষণা কৰা সিদ্ধান্তক তীব্ৰ বিৰেধিতা কৰে ৷ অসমত নাগৰিকত্ব সংশোধনী আইন বিৰোধী আন্দোলন তল পেলাবলৈ অসম চৰকাৰে অসম চৰকাৰে এই ধৰণৰ হঠকাৰী সিদ্ধান্ত গ্ৰহণ কৰা বুলি সাংসদজনে প্ৰকাশ কৰে ৷ অসমীয়া ভাষা দ্বিতীয় কৰাৰ ষড়যন্ত্ৰ কোনো পধ্যেই মানি নোলোৱাৰো হুংকাৰ দিয়ে সাংসদ নৱ কুমাৰ শৰনীয়াই ৷ ইয়াৰোপৰিও তেওঁ অভিযোগ কৰে যে, জনগোষ্টীৰ জনজাতীকৰণ আন্দোলন আৰু সংশোধিত নাগৰিকত্ব আইন বিৰোধী আন্দোলন মষিমুৰ কৰিবলৈয়ে চৰকাৰে বিভিন্ন জনগোষ্টীক স্বায়ত্ব শাসন দিছে । অসম চৰকাৰৰ কেবিনেট মন্ত্ৰী প্ৰমিলা ৰানী ব্ৰহ্মই এই কথা স্বিকাৰ কৰিছে বুলিও কয় সাংসদ গৰাকীয়ে ৷ তদুপৰি অসম চৰকাৰে সংশোধিত নাগৰিকত্ব আইন সমৰ্থন কৰি যি ভুল কৰিলে সেয়া অসমত ইনাৰ লাইন পাৰ্মিট প্ৰৱৰ্তনৰ জড়িয়তে সুধৰাই লোৱাৰো দাবী জনাই সাংসদ গৰাকীয়ে ৷ মুঠতে অসমত অসমীয়া ভাষা লৈ চৰকাৰে কৰা কোণো ধৰনৰ ষড়যন্ত্ৰ মানি নোলোৱাৰ হুংকাৰ দিয়ে সাংসদজনে । তেওঁ স্পষ্টভাৱে কয় যে, বিটিচিত 19 শতাংশ বড়ো লোকৰ বাবে 81 শতাংশ অসমীয়া লোক বঞ্চিত হোৱাটো মানি লোৱা নহ'ব ৷
লগতে পঢ়ক - বকোত আৰক্ষীৰ জালত নাৰী ব্যৱসায়ী চক্ৰ