চিৰাং, ২৯ মাৰ্চ :বিটিআৰৰ শাসকীয় দল ইউপিপিএলৰ চিৰাং জিলা সমিতিৰ সপ্তম বাৰ্ষিক অধিবেশন সম্পন্ন (UPPL Chirang District annual meeting 2023) । অধিবেশনৰ মুকলি সভাত মুখ্য অতিথি হিচাপে অংশগ্ৰহণ কৰে ইউপিপিএল দলৰ সভাপতি তথা বিটিচিৰ মুখ্য কাৰ্যবাহী সদস্য প্ৰমোদ বড়োৱে (UPPL president Pramod Boro) । অনুষ্ঠানত উপস্থিত থাকি নিজৰ ভাষণ প্ৰসংগত প্ৰমোদ বড়োৱে বিপিএফ দল তথা হাগ্ৰামা মহিলাৰীক তীব্ৰ সমালোচনা কৰে (Pramod Boro slammed Hagrama Mahilari) ।
তেওঁ কয়, বিপিএফ দলে যিমানেই যি নকৰক কিয়, এতিয়া বিপিএফৰ সূৰ্য্ ডুব গৈছে (BPF chief Hagrama Mahilari) । আনহাতে, ইউপিপিএলৰ সূৰ্য উদয় হৈছে বুলি তেওঁ কয় । গতিকে ৰাইজ ইয়াত চিন্তা কৰিবলগীয়া নাই বুলি তেওঁ কয়, আমি বিপিএফ দলৰ দুৰ্নীতি-ভ্ৰষ্টাচাৰৰ পৰা ৰাইজক মুক্তি দিয়াৰ বাবে আহিছিলোঁ আৰু ৰাইজেও আঁকোৱালি লৈছিল । গতিকে আমি ৰাইজৰ কাম কৰি যাম । বিটিচিৰ উন্নতি কৰি যাম, সকলো জাতি-জনগোষ্ঠীৰ সম অধিকাৰ আৰু সম মৰ্যাদা প্ৰতিষ্ঠাৰে কাম কৰি যাব বুলি তেওঁ উল্লেখ কৰে ।
আনহাতে, আগন্তুক সময়তো ৰাইজে ইউপিপিএলক আঁকোৱালি ল'ব বুলি আশা প্ৰকাশ কৰে । প্ৰমোদ বড়োৱে লগতে হাগ্ৰামা মহিলাৰীক প্ৰত্যাহ্বান জনাই কয়, দম আছে যদি কোকৰাঝাৰ লোকসভা সমষ্টি আৰু মঙলদৈ লোকসভা সমষ্টিত জয়লাভ কৰি দেখুৱাই দিয়ক । তেওঁৰ স্পষ্ট কথা, ৰাইজে কেতিয়াও নিবিচাৰে যে বিটিচিত আকৌ অৰাজক পৰিৱেশ ঘূৰি আহক। বিপিএফৰ দাদাগিৰি, অপশাসন ঘূৰি অহাটো ৰাইজে নিবিচাৰে বুলি কৈ তেওঁ কয়, ৰাইজে সদায় শান্তি বিচাৰে । ইউপিপিএল-বিজেপি-অগপৰ মিত্ৰ চৰকাৰে ৰাইজৰ বাবে যথেষ্ট কৰিছে আৰু কৰিব ।