চিৰাঙত দহ হেজাৰ গছ পুলি ৰোপণ কৰাৰ লক্ষ্য চি আৰ পি এফৰ

পৰিৱেশৰ ভাৰসাম্য ৰক্ষাৰ উদ্দেশ্যে চিৰাঙত চি আৰ পি এফৰ জোৱান সকলে আৰম্ভ কৰিছে এক বিশেষ পদক্ষেপ ৷ ইতিমধ্যে ১৫৬ বেটেলিয়নৰ জোৱান সকলে জিলা খনৰ বিভিন্ন ঠাইত ৰোপণ কৰিছে বহু গছ পুলি ৷

চিৰাং, 23জুনঃ চিৰাঙত চি আৰ পি এফৰ ১৫৬ বেটেলিয়নৰ জোৱান সকলে গছপুলি ৰোপন কাৰ্যসূচী আৰম্ভ কৰে । বিশ্ব পৰিৱেশ দিৱশৰ লগত সংগতি ৰাখি দহ হেজাৰ গছ পুলি ৰোপণ কৰিব বুলি সাংবাদিকৰ আগত সদৰি কৰে কমাণ্ডাৰ ৰবি মুণ্ডাই ৷

চিৰাং জিলাৰ বিভিন্ন ঠাইত বিশ্ব পৰিৱেশ দিৱসৰ লগত সংগতি ৰাখি চিৰাঙত চি আৰ পি এফৰ ১৫৬ বেটেলিয়নৰ জোৱান সকলে ইতিমধ্যে গছপুলি ৰোপন কাৰ্যসূচী আৰম্ভ কৰিছে । চিআৰপিএফৰ তৰফৰ পৰা দহ হেজাৰ গছপুলি ৰোপনৰ লক্ষ্য বান্ধি লৈ গছপুলি ৰোপনৰ কাৰ্যসূচী ৰূপায়ন কৰিছে । চিআৰপিএফৰ ১৫৬ বেটেলিয়নৰ চিৰাঙৰ কমাণ্ডাৰ ৰবি মুণ্ডাই জনায় যে কেন্দ্ৰীয় চৰকাৰৰ নিৰ্দেশনা অনুসৰি জলবায়ু প্ৰদূষণৰ পৰা দেশক ৰক্ষা কৰাৰ উদ্দেশ্যে গছপুলি ৰোপন কৰিছে ৷

ইতিমধ্যে চিৰাঙৰ ছাপাগুৰীৰ ৰাষ্ট্ৰীয় ঘাই পথৰ মাজ অংশ, পাণবাৰী,বেংতল আদিৰ লগতে বিভিন্ন ঠাইত গছপুলি ৰোপন কৰে চি আৰ পি এফৰ জোৱান সকলে । কমাণ্ডাৰ জনে আৰু কয় যে পৰিৱেশৰ ভাৰসাম্য ৰক্ষাৰ বাবে গছ পুলি ৰোপন কৰিবই লাগিব । এজোপা গছ ডাঙৰ দীঘল কৰা মানেই দহজন লৰা-ছোৱালীৰ দৰেই সমান উপকাৰত আহে । তাৰোপৰি এজোপা গছৰ পৰা কেবাটাও প্ৰজন্ম লৈ ইয়াৰ পৰা বহু উপকৃত হয় ।

লগতে পঢ়ক- ড্ৰাগছৰ বিৰুদ্ধে অসম আৰক্ষীয়ে প্ৰস্তুত কৰিছে এটি বিশেষ গীত