কাজলগাঁও, 5 জুন :বিশ্ব পৰিৱেশ দিৱসৰ সৈতে সংগতি ৰাখি বিটিচি ভ্ৰমণ কৰে ৰাজ্যপাল জগদীশ মুখীয়ে ৷ শুকুৰবাৰে চিৰাঙৰ কাজলগাঁৱত উপস্থিত হয় অসমৰ ৰাজ্যপাল অধ্যাপক জগদীশ মুখী । কাজলগাঁৱস্থিত সশস্ত্ৰ সীমা বলৰ 15নং বেটালিয়নৰ কাৰ্যালয়ত বিশ্ব পৰিৱেশ দিৱসৰ কাৰ্যসূচীত অংশগ্ৰহণ কৰে ৰাজ্যপালগৰাকীয়ে ৷
SSBৰ মহাপৰিদৰ্শক পিকে গুপ্তা
বিশ্ব পৰিৱেশ দিৱসৰ লগত সঙ্গতি ৰাখি এছএছবিৰ কাৰ্যালয়ত গছপুলি ৰোপন কৰে ৰাজ্যপাল মুখীয়ে ৷ ৰাজ্যপালগৰাকীয়ে আজি বিটিচি এলেকাত গছপুলি ৰোপন কাৰ্য্যসূচীৰো শুভাৰম্ভ কৰে । এই কাৰ্য্যসূচীৰ জৰিয়তে আগন্তুক তিনিমাহৰ ভিতৰত বিটিচি এলেকাৰ চাৰিওখন জিলাত দহ লাখ কৰি মুঠ চল্লিছ লাখ গছপুলি ৰোপন কৰাৰ লক্ষ্য ৰখা হিচাপে হৈছে । আজিৰ এই বিশ্ব পৰিৱেশ দিৱসতে সমগ্ৰ বিটিচি এলেকাত এক লাখ গছপুলি ৰোপন কৰা হ'ব বুলি ৰাজ্যপাল অধ্যাপক জগদীশ মুখীয়ে ঘোষণা কৰে ।