চিৰাং, 8 ফেব্ৰুৱাৰী : চিৰাঙৰ বাসুগাঁৱত এটা ব্যাক্তিগত চেটেলাইট চেনেলৰ সাংবাদিক জয়ন্ত দেৱনাথক বাসুগাঁও আৰক্ষীৰ এজন জোৱানে প্ৰহাৰ কৰাৰ ঘটনাকলৈ তীব্ৰ উত্তেজনাৰ সৃষ্টি হৈছে (Journalist beaten up by a police man in Chirang) ৷ উল্লেখযোগ্য যে, ৰাজহুৱাভাৱে সাংবাদিকজনক বাসুগাঁও চহৰৰ মাজ মজিয়াত প্ৰহাৰ কৰে আৰক্ষীয়ে । অভিযোগ মতে, প্ৰদীপ সাহা নামৰ এজন আৰক্ষী কনিষ্টবলে হেলমেট বিহীন ভাৱে লগত আন এজন কনিষ্টবলক লৈ মটৰ-চাইকেল চলাই যোৱা বাবে সাংবাদিক জয়ন্ত দেৱনাথে আৰক্ষী জনক সুধিছিল হেলমেট নোহোৱাকৈ তেওঁ কিয় মটৰ চাইকেল চলাইছে ।
চিৰাঙৰ ৰাজপথত সাংবাদিকক প্ৰহাৰ কৰি বীৰত্ব প্ৰদৰ্শন আৰক্ষী জোৱানৰ
আৰক্ষীয়েই হেলমেট নিপিন্ধা লোকক জৰিমনা বিহে আৰু তেনে অৱস্থাত আৰক্ষীৰ লোকেই যদি হেলমেট বিহীনভাৱে মটৰ চাইকেল চলায় তেনেহলে আৰক্ষীয়েই চৰকাৰৰ আইন অমান্য কৰে যদি সাধাৰণ লোকে কিয় নকৰিব বুলিও প্ৰশ্ন কৰে সাংবাদিকজনে ৷