চিৰাঙত বন বিভাগৰ অভিযানঃ জব্দ বৃহৎ পৰিমাণৰ চোৰাং কাঠ

চিৰাং জিলাৰ পানবাৰী থানাৰ অন্তৰ্গত আলুখুন্দাৰ ভান্দানিঘাট অঞ্চলত বিজনী মহকুমা আৰক্ষী বিষয়া প্ৰকাশ মেধিৰ নেতৃত্বত শাল আৰু চেগুনৰ 190টা কুণ্ডা জব্দ কৰে আৰক্ষী আৰু বন বিভাগৰ এটা দলে

চিৰাং,6 এপ্ৰিলঃ চিৰাঙত চোৰাং কাঠ বেপাৰৰ বিৰুদ্ধে আৰক্ষী-বন বিভাগৰ অভিযান । অভিযানত জব্দ বৃহৎ পৰিমাণৰ চোৰাং কাঠ । চিৰাং জিলাৰ পানবাৰী থানাৰ অন্তৰ্গত আলুখুন্দাৰ ভান্দানিঘাট অঞ্চলত বিজনী মহকুমা আৰক্ষী বিষয়া প্ৰকাশ মেধিৰ নেতৃত্বত শাল আৰু চেগুনৰ 190 টা কুণ্ডা জব্দ কৰে আৰক্ষী আৰু বন বিভাগৰ এটা দলে । উদ্ধাৰ হোৱা চোৰাং কাঠখিনিৰ বজাৰ মূল্য আনুমানিক দুই লক্ষাধিক হ'ব বুলি জানিব পৰা গৈছে। সম্প্ৰতি চোৰাং কাঠখিনি বিজনী বনাঞ্চলিক বিষয়াক গতাই দিছে আৰক্ষীয়ে ।