বঙাইগাঁও, 3 মাৰ্চঃবঙাইগাঁও জিলাৰ মাণিকপুৰ আৰক্ষী থানা এলেকাৰ গেৰুকাবাৰী উপ আৰক্ষী চকীৰ অন্তৰ্গত শাকতোলাৰ এক নম্বৰ নাছনগুৰিত ২৯ টাকৈ বহি:ৰাজ্যৰ গৰু সৰবৰাহৰ বাবে নিবলৈ চেষ্টা কৰা অৱস্থাত উদ্ধাৰ হোৱা ঘটনাই প্ৰমাণ কৰে যে শাকতোলা গৰু সৰবৰাহৰ ঘাটিত পৰিণত হৈছে | আৰক্ষী সূত্ৰই প্ৰকাশ কৰা মতে দেওবাৰে নিশা আৰক্ষীৰ দলে এক নম্বৰ নাছনগুৰিত অভিযান চলায় | এই অভিযানত আৰক্ষীৰ দলে চামছুল হকৰ বাৰীৰ পাছফালে বান্ধি ৰখা ২৯ টাকৈ বলদ গৰু উদ্ধাৰ কৰে আৰু পাছলৈ গৰু সমূহ গেৰুকাবাৰী উপ আৰক্ষী চকীলৈ লৈ যায় | লক্ষ্যণীয় যে গৰাকী বিহীন বহি: ৰাজ্যৰ গৰু সমূহ কোনে আনি এনেদৰে লুকুৱাই ৰাখিছিল এই লৈ আৰক্ষী জ্ঞাত নহয় ।
বঙাইগাঁৱৰ শাকতোলাত 29 টা গৰাকীবিহীন গৰু জব্দ