চিৰাঙত জব্দ দহ লক্ষাধিক টকাৰ গাঞ্জা

গাঞ্জা সৰবৰাহ কৰা বাহনখনৰ চালকক গ্ৰেপ্তাৰ

চিৰাং , 14 মাৰ্চ - চিৰাঙৰ ঢালিগাঁৱত আৰক্ষীৰ অভিযানত জব্দ বৃহৎপৰিমাণৰ মণিপুৰী গাঞ্জা ৷ আগৰতলাৰ পৰা বিহাৰলৈ সৰবৰাহৰ বাবে অনা হৈছিল গাঞ্জাখিনি ৷

বুধবাৰে নিশা গোপনসূত্ৰৰ পম খেদি ঢালিগাঁও আৰক্ষী চকীৰ ভাৰপ্ৰাপ্ত আৰক্ষী বিষয়া বিজিত দাধৰাৰ নেতৃত্বত চলোৱা অভিযানত প্ৰায় দহ লক্ষাধিক টকাৰ গাঞ্জাখিনি জব্দ কৰিবলৈ সক্ষম হয় ঢালিগাঁও আৰক্ষী ৷ ঢালিগাঁৱৰ 31 নং ৰাষ্ট্ৰীয় ঘাই পথেৰে এন এল 02 এল-2481 নম্বৰৰ কন্টেইনাৰ গাড়ীখনেৰে আগৰতলাৰ পৰা অনা হৈছিল 717 কেজি মনিপুৰী গাঞ্জা ৷ গাড়ী খনৰ চালক লালা কুমাৰক ইতিমধ্যে গ্ৰেপ্তাৰ কৰে আৰক্ষীয়ে ।