বিজনীত ড্ৰাগছসহ এজন আটক

চিৰাঙৰ বিজনীত শুকুৰবাৰে সন্ধিয়া ড্ৰাগছসহ আটক এজন ৷ আটকাধীন ড্ৰাগছ ব্যৱসায়ীজনৰ ঘৰত তালাচী চলাই 6 টা ড্ৰাগছ ভৰ্তি কণ্টেইনাৰৰ লগতে দুটা ম’বাইল ফোন জব্দ কৰে আৰক্ষীয়ে ৷

চিৰাং,28 মে’ : ৰাজ্যত জাৰি হোৱা আংশিক লকডাউনৰ মাজতে চিৰাঙৰ বিজনীত শুকুৰবাৰে সন্ধিয়া ভাগত ড্ৰাগছসহ আটক কৰা হয় এজনক ৷ বিজনীৰ কাৱাটিকা খানপাৰাৰ মচিউৰ ৰহমান নামৰ ড্ৰাগছ ব্যৱসায়ীজনৰ ঘৰত তালাচী চলাই ব্যৱসায়ীজনক আটক কৰে বিজনী আৰক্ষীয়ে ৷

উল্লেখ্য যে, বিগত কেইবাদিনৰ পৰা ড্ৰাগছৰ বেহা চলাই আছিল মচিউৰ ৰহমানে ৷ ড্ৰাগছ ব্যৱসায়ীজনৰ বাসগৃহৰ পৰা 6 টা ড্ৰাগছ ভৰ্তি কণ্টেইনাৰ জব্দ কৰা হয় ৷ ইয়াৰ লগতে ব্যৱসায়ীজনৰ পৰা আৰক্ষীয়ে জব্দ কৰে 0.7 গ্ৰাম ড্ৰাগছ আৰু দুটা ম’বাইল ফোন ৷ ৰাজ্যৰ অন্য প্ৰান্তৰ লেখীয়াকৈ চিৰাঙতো ড্ৰাগছ বিৰোধী অভিযান অব্যাহত ৰাখিছে আৰক্ষীয়ে ৷

লগতে পঢ়ক :ধনদাবী কৰি কাৰ্বি আংলঙত দুই দুৰ্বৃত্ত আটক