চিৰাং, ২২ ডিচেম্বৰ: শীঘ্ৰেই বিশুদ্ধ পানী উপলব্ধ হ'ব চিৰাঙৰ ভাৰত-ভূটান সীমান্তৰ দাদগিৰিৰ লাউক্ৰীগুৰি গাঁৱত । এটুপি বিশুদ্ধ পানীৰ অভাৱত বছৰ বছৰ ধৰি নদীৰ লেতেৰা পানী খাই জীৱন নিৰ্বাহ কৰি আহিছে এইসকল লোকে । বিগত ১৭ বছৰে বিটিচি প্ৰশাসনৰ উন্নয়নমূলক আঁচনিৰ অধীনতো সুবিধা লাভৰ পৰা বঞ্চিত হৈ আছে এই লোকসকল । আনকি বিটিচি প্ৰশাসনে বিশুদ্ধ খোৱাপানীৰো ব্যৱস্থা কৰি দিব নোৱাৰিলে ।
লাউক্ৰীগুৰিত বিশুদ্ধ খোৱাপানীৰ ব্যৱস্থা কৰাৰ আশ্বাস দিলে প্ৰমোদ বড়োৱে কেৱল ভোটৰ আশাত একাংশ জন প্ৰতিনিধিয়ে আভুৱা ভাৰি আহিছে লাউক্ৰীগুৰিবাসীক । আৰ্থিকভাৱে পিছপৰা গাঁওবাসীয়ে ব্যক্তিগত ব্যয়েৰে খোৱাপানীৰ সমস্যা সমাধান কৰিবলৈও অপাৰগ । অৱশেষত লাউক্ৰীগুৰি গাঁৱৰ ৰাইজৰ এই দুৰাৱস্থাৰ ছবিখন বিটিচি প্ৰশাসনৰ দৃষ্টিগোচৰ কৰাৰ উদ্দেশ্যেৰে আগবাঢ়ি আহে ই টি ভি ভাৰত ।
লাউক্ৰীগুৰিত বিশুদ্ধ খোৱাপানীৰ ব্যৱস্থা কৰাৰ আশ্বাস দিলে প্ৰমোদ বড়োৱে যোৱা ২৭ জুলাইত ই টি ভি ভাৰতে লাউক্ৰীগুৰিবাসীৰ খোৱাপানীৰ সমস্যাৰ বিষয়ে বাতৰি প্ৰচাৰ কৰিছিল । এই বাতৰি চোৱাৰ পিছতে ৰাইজৰ সমস্যা সমাধান প্ৰতি গুৰুত্ব আৰোপ কৰি বিটিচিৰ মুখ্য কাৰ্যবাহী সদস্য প্ৰমোদ বড়ো মঙলবাৰে গাওঁখনত উপস্থিত হয় । কাৰ্যবাহী সদস্য ৰঞ্জিত বসুমতাৰীয়ে আজি অঞ্চলটো ভ্ৰমণ কৰি ৰাইজৰ সমস্যাৰ বুজ লয় । লগতে শীঘ্ৰেই বিশুদ্ধ খোৱাপানীৰ ব্যৱস্থা কৰাৰ আশ্বাস দিয়ে ।
লাউক্ৰীগুৰিত বিশুদ্ধ খোৱাপানীৰ ব্যৱস্থা কৰাৰ আশ্বাস দিলে প্ৰমোদ বড়োৱে বিটিচিৰ যিবোৰ স্থানত ৰাইজে এতিয়াও নদীৰ ঘোলা পানী খাই থাকিবলগীয়া হৈছে, সেই সকলোবোৰ স্থান পৰিদৰ্শন কৰি শীঘ্ৰেই খোৱাপানীৰ সমাধান কৰিব বুলিও মন্তব্য কৰে । উল্লেখ্য যে, লাউক্ৰীগুৰি গাঁৱৰ মাজেৰে বৈ গৈছে আই নদীৰ মূল সুঁতি । বাৰিষাৰ সময়চোৱাত, ভূটানৰ পৰা পানী নামি আহে আৰু সেই সময়তো নদীৰ অপৰিষ্কাৰ পানী খাই তৃষ্ণা নিবাৰণ কৰে লাউক্ৰীগুৰিবাসীয়ে । স্বাস্থ্য, শিক্ষা, পানী আৰু কৃষিখণ্ডৰ সমস্যা সমাধানত অধিক প্ৰাধান্য দি প্ৰথমে এই কামবোৰ কৰাৰ চেষ্টা কৰিব বুলি জনায় ।
সোমবাৰে নিশা বাক্সা জিলাৰ দিহিৰা সমষ্টিত বিজেপি কৰ্মীক গুলিয়াই হত্যা কৰা ঘটনাক গৰিহণা দিয়ে প্ৰমোদ বড়োৱে । এই ঘটনাৰ তদন্তৰ লগতে দোষীক শাস্তি প্ৰদান কৰা হ'ব বুলি মন্তব্য কৰে । প্ৰমোদ বড়োৱে হাগ্ৰামা মহিলাৰীৰ নিৰাপত্তাৰক্ষী সন্দৰ্ভত প্ৰতিক্ৰিয়া প্ৰকাশ কৰি কয় যে, 'হাগ্ৰামাৰ এই নাটক চাবলৈ আমাৰ সময় নাই । আমি ৰাইজৰ কাম কৰিবলৈ আহিছো আৰু কাম কৰি যাম। নিৰাপত্তাৰক্ষী ল'ব নে নাই সেয়া তেওঁৰ নিজৰ কথা ।'
লগতে পঢ়ক:জনীয়াত বিদ্যালয়ৰ শ্ৰেণীকোঠা নিৰ্মাণত অনিয়ম সংঘটিত হোৱাৰ অভিযোগ
