চিৰাং , 8 এপ্ৰিলঃ অতিকে আদৰৰ ৰঙালি বহুটি আহি পদূলিমুখ পালেহি ৷ এই ৰঙালি বিহুটিক অসমৰ কোঁচ ৰাজবংশী সকলে বিষুৱা উৎসৱ হিচাপে উদযাপন কৰে । সেয়ে বঙাইগাঁৱত পহিলা বহাগৰ দিনা কোঁচ ৰাজবংশী জনগোষ্ঠীৰ জাতীয় উৎসৱ বিষুৱা উদযাপনৰ ব্যাপক প্ৰস্তুতি পৰিলক্ষিত হয়।
বঙাইগাঁৱত বিষুৱা উপলক্ষে কোঁচ ৰাজবংশী জাতীয় সাংস্কৃতিক প্ৰকল্পৰ উদ্যোগত 5 আৰু 6 এপ্ৰিলত দুদিনীয়া কাৰ্যসূচীৰে এক সাংস্কৃতিক কৰ্মশালা অনুষ্ঠিত হয় । জিলাখনৰ নৰ্থ বইটামাৰী ছোৱালী হাইস্কুল প্ৰাংগণত অনুষ্ঠিত এই কৰ্মশালাত গোৱালিনী নৃত্য, কুশান নৃত্য,বাঁশ নৃত্য আদিৰ প্ৰশিক্ষণ দিয়া হয় । এই প্ৰশিক্ষণত শতাধিক স্থানীয় শিশু, স্কুলীয়া ছাত্ৰীৰ লগতে স্থানীয় যুৱতী আৰু মহিলাসকলে অংশ গ্ৰহণ কৰে ৷ এই কৰ্মশালাত প্ৰশিক্ষণ দিয়ে নৃত্য শিল্পী প্ৰীতম কোঁচে ৷
