চিৰাং,৭ এপ্ৰিল: সমগ্ৰ বিশ্বৰ লগতে দেশৰ ভিন্ন প্ৰান্তত পালন কৰা হৈছে বিশ্ব স্বাস্থ্য দিৱস । অসমতো বিশ্ব স্বাস্থ্য দিৱস উপলক্ষে বিভিন্ন কাৰ্যসূচী অনুষ্ঠিত কৰা হয় । বুধবাৰে চিৰাং জিলাৰ কাশিকত্ৰাৰ উৰ্বশী ব্ৰহ্ম সোঁৱৰণী হাইস্কুলত জিলা আইন সেৱা প্ৰাধিকাৰীৰ উদ্যোগত এক সজাগতামূলক অনুষ্ঠানৰ আয়োজন কৰা হয় । এই বছৰ বিশ্ব স্বাস্থ্য দিৱসৰ বিষয়বস্তু মহিলা আৰু কৈশোৰ বয়সৰ ছোৱালীৰ স্বাস্থ্য আৰু স্বাস্থ্যবিধি বিষয়ক এক সভা অনুষ্ঠিত হয় ।
ইয়াৰ জৰিয়তে মহিলা তথা কিশোৰীসকলক সজাগ কৰে বিভাগীয় বিষয়াসকলে । এই অনুষ্ঠানত মহকুমা স্বাস্থ্য বিষয়া তথা চিদলী খণ্ড স্বাস্থ্যকেন্দ্ৰৰ মুৰব্বী ডাঃ উত্তম কুমাৰ বিশ্বাস, ডাঃ কুমুদ শৰ্মাৰ লগতে ডাঃ ষ্টেফি বসুমতাৰী আৰু দীপক ঠাকুৰীয়া উপস্থিত থাকে । আটাইকেইজনে বিশ্ব স্বাস্থ্য দিৱসৰ বিষয়বস্তুৰ ওপৰত বক্তব্য আগবঢ়ায় । লগতে এই সংক্ৰান্তীয় বিভিন্ন চৰকাৰী আঁচনি সন্দৰ্ভতো বিৱৰণ দাঙি ধৰে ।