চিৰাং, ৩১ জানুৱাৰী: ৰাজ্যত বন্যহস্তীৰ তাণ্ডৱ ক্ৰমাৎ বৃদ্ধি পাই অহাৰ সমান্তৰালভাৱে ইয়াক নিয়ন্ত্ৰণৰ ক্ষেত্ৰত প্ৰায়েই বনবিভাগ ব্যৰ্থ হোৱাৰ অভিযোগ উত্থাপিত হৈ আহিছে । ইয়াৰ মাজতে বন্যহস্তীৰ আক্ৰমণত বহু লোকৰ মৃত্যুৰ ঘটনাও পোহৰলৈ আহিছে ।
শনিবাৰে নিশা চিৰাং জিলাৰ বিজনীৰ অক্সিগুৰী গাঁৱত মানাহ ৰাষ্ট্ৰীয় উদ্যানৰ পৰা অহা তিনিটা বনৰীয়া হাতীয়ে তাণ্ডৱ চলায় । ফলত গাঁওখনৰ ১৫ টা পৰিয়ালৰ ঘৰ ভাঙি লণ্ড-ভণ্ড কৰে হাতীৰ জাকটোৱে । হাতীৰ তাণ্ডৱত গাঁওখনৰ কেইবাঘৰ লেকৰ ঘৰ-দুৱাৰ, তামোল, কলৰ বাগান আদি ভাঙি-ছিঙি তহিলং কৰে ।