চিৰাং,17 ফেব্ৰুৱাৰী: চিৰাঙৰ পানবাৰীত দেওবাৰে হাগ্ৰামা মহিলাৰী বিৰুদ্ধে ৰাজপথত প্ৰতিবাদ চিৰাঙৰ ৰাইজৰ । শণিবাৰে কোকৰাঝাৰ জিলাৰ কাজিগাঁওত বিটিচিৰ প্ৰধান হাগ্ৰামা মহিলাৰীয়ে বিটিআৰ নামানো বুলি কোৱাৰ লগে লগে ক্ষোভত জাঙুৰ খাই উঠিছে বড়ো বিভিন্ন দল সংগঠন তথা সাধাৰণ ৰাইজ । আজি চিৰাং জিলাৰ বিজনীৰ পানবাৰীত হঠাতেই বিয়লি শতাধিক বড়ো পুৰুষ মহিলাই হাগ্ৰামা মহিলাৰীৰ পুত্তলিকা দাহ কৰি প্ৰতিবাদ জনায় । প্ৰতিবাদকাৰীসকলে হাগ্ৰামা মহিলাৰী মুৰ্দাবাদ, বিটিআৰ বিৰোধী হাগ্ৰামা মুৰ্দাবাদ, হাগ্ৰামা গ'বেক ইত্যাদি শ্ল'গান দি উত্তাল কৰে ৰাজপথ । প্ৰতিবাদীসকলে কয় যে, হাগ্ৰামা মহিলাৰী নিজে ৰাজসাক্ষী হৈ কেন্দ্ৰীয় আৰু ৰাজ্য চৰকাৰৰ সৈতে বিটিআৰ চুক্তি স্বাক্ষৰিত কৰিছিল । হাগ্ৰামা মহিলাৰীয়ে বিটিআৰ চুক্তি নামানো বুলি এয়া সাংঘাতিক ভূল মন্তব্য দিছে বুলি কয় আৰু ইয়াৰ বাবে হাগ্ৰামা মহিলাৰীক ধিক্কাৰ দিয়ে ।
ইয়াৰ পূৰ্বে ৭ তাৰিখে কোকৰাঝাৰত প্ৰধান মন্ত্ৰীৰ উপস্থিতিত হাগ্ৰামা মহিলাৰীয়ে নিজেই কৈছিল যে, বিটিআৰ চুক্তিৰ জৰিয়তে চুক্তিৰ দফাসমূহ কাৰ্যকৰি কৰিলে স্বয়ংক্ৰীয়ভাৱে বিটিআৰ বড়োলেণ্ড হ'ব । কিন্ত এতিয়া কিয় তেঁও এই চুক্তি মানি লব বিচৰা নাই সেয়ে তেওঁৰ পুত্তলিকা দাহ কৰিছো বুলি কয় প্ৰতিবাদাকাৰীসকলে । লগতে হাগ্ৰামাই নিজৰ ৰাজনৈতিক ভৱিষ্যত সংকটাপন্ন দেখিয়ে বিটিআৰ চুক্তিৰ বিৰোধিতা কৰা বুলি দাবী কৰে । দীৰ্ঘদিন বড়ো সকলৰ সহস্ত্ৰ সংগ্ৰামৰ অন্তত বিটিআৰ চুক্তিৰ জৰিয়তে শান্তিৰ বাতাবৰণ চলিছে আৰু এই সময়ত হাগ্ৰামা মহিলাৰীয়ে চুক্তিৰ বিৰোধিতা কৰাটো অতিকে দুৰ্ভাগ্যজনক বুলিও কয় প্ৰতিবাদকাৰী সকলে ।