বিজনীত ড্ৰাগছসহ আটক সৰবৰাহকাৰী

চিৰাঙৰ বিজনীত ড্ৰাগছসহ এজন সৰবৰাহকাৰী গ্ৰেপ্তাৰ ৷ যোৱা কিছুদিনৰ পৰা ড্ৰাগছৰ ৰম্যভূমিত পৰিণত হৈছে চিৰাং-বঙাইগাঁও জিলা ৷

চিৰাঙ, 15 ছেপ্তেম্বৰঃ যোৱা কিছুদিনৰ পৰা চিৰাং-বঙাইগাঁওত ড্ৰাগছৰ ৰমৰমীয়া ব্যৱসায়ৰ চক্ৰ অধিক সক্ৰিয় হৈ উঠা পৰিলক্ষিত হৈছে ৷ দেওবাৰে বিয়লি চিৰাঙৰ বিজনীত ড্ৰাগছসহ এজন ব্যৱসায়ীক গ্ৰেপ্তাৰ কৰে আৰক্ষীয়ে ৷ বিজনীৰ আম্বেদকাৰ ভৱনৰ ওচৰত এক গোপন সূত্ৰৰ পমখেদি বিজনী মহকুমা আৰক্ষী বিষয়া প্ৰকাশ মেধিৰ নেতৃত্বত চলোৱা অভিযানত আটক কৰিবলৈ সক্ষম হয় ড্ৰাগছ ব্যবসায়ী জনক । গ্ৰেপ্তাৰ ড্ৰাগছ ব্যবসায়ী জনৰ নাম বিপ্লব দাস আৰু তেওঁ বিজনী দুতুৰীৰ বাসিন্দা বুলি নিজ স্বীকাৰোক্তিত উল্লেখ কৰিছে ৷ সৰবৰাহকাৰীজনৰ পৰা বিজনী আৰক্ষীয়ে ৯ টাকৈ ড্ৰাগছ ভৰ্তি কন্টেইনাৰ সহ ১ টা মোবাইল হেণ্ডছেট জব্দ কৰে ।