চিৰাঙত আমছুৱে ৰাইজৰ সহযোগত আটক কৰিলে 2 ড্ৰাগছ ব্যৱসায়ীক

চিৰাঙৰ বিজনী কাৱাটিকাত আমছুৱে ৰাইজৰ সহযোগত দুই ড্ৰাগছ ব্যৱসায়ীক ধৰি গতালে আৰক্ষীক । ড্ৰাগছৰ বিৰুদ্ধে ৰাইজক সজাগ হোৱাৰ আহ্বান সংগঠনটোৰ ।

চিৰাং,23আগষ্টঃ চিৰাঙৰ বিজনী কাৱাটিকাত শুকুৰবাৰে ৰাইজৰ সহযোগত আমছুৱে ২ জন ড্ৰাগছ ব্যৱসায়ী আটক কৰি আৰক্ষীক গতায়। শুকুৰবাৰে ড্ৰাগছসহ আটক হোৱা যুৱকদ্বয় ক্ৰমে ইক্ৰামুল হুছেইন আৰু ছোলেমান আলি। দুয়োৰে ঘৰ বিজনীৰ ১নং শাকতোলাত। আটকাধীন ২ ড্ৰাগছ ব্যৱসায়ীৰ পৰা ৪ টাকৈ ড্ৰাগছৰ কন্টেইনাৰসহ খালী ৪ টা কন্টেইনাৰ উদ্ধাৰ কৰে আমছুৱে। উল্লেখ্য যে আমছুৱে বিজনী মহকুমা আৰক্ষী বিষয়া প্ৰকাশ মেধি আৰু বিজনী থানাৰ ভাৰপ্ৰাপ্ত বিষয়া ৰূপক বৰাক জনোৱাৰ লগে লগে আৰক্ষী কাৱাটিকাত উপস্থিত হৈ দুয়ো ড্ৰাগছ ব্যৱসায়ীক গ্ৰেপ্তাৰ কৰি থানালৈ নিয়ে।