চিৰাঙত তেলচুৰি চক্ৰৰ বিৰুদ্ধে আৰক্ষীৰ অভিযান

আৰক্ষীৰ অভিযানত আটক হয় হাতীপোতা গাঁওৰ মোজাম্মিল আলী নামৰ এজন লোক । লগতে তেওঁৰ ঘৰৰ পৰা আৰক্ষীয়ে উদ্ধাৰ কৰে তেল ভৰ্তি ড্ৰাম আৰু বিভিন্ন সামগ্ৰী ।

চিৰাং, ২ ফেব্ৰুৱাৰী : চিৰাঙত তেলচুৰি চক্ৰৰ বিৰুদ্ধে পুনৰ আৰক্ষীৰ অভিযান । অভিযানত ঢালিগাঁও থানাৰ অন্তৰ্গত হাতীপোতাত চোৰাং তেল সহ বহু সামগ্ৰী জব্দ কৰে আৰক্ষীয়ে ।

চিৰাং জিলা সদৰৰ অতিৰিক্ত আৰক্ষী অধীক্ষক প্ৰকাশ মেধীয়ে জনোৱা মতে বিয়লি ৩ বজাত জিলা সদৰ উপ আৰক্ষী অধীক্ষক প্ৰতাপ দাস আৰু ঢালিগাঁও থানাৰ ভাৰপ্ৰাপ্ত আৰক্ষী বিষয়া মনোজ নাৰ্জাৰীৰ নেতৃত্বত চলিছিল এই অভিযান । অভিযানত হাতীপোতা গাঁওৰ মোজাম্মিল আলী নামৰ এজন লোকক আটক কৰাৰ লগতে তেওঁৰ ঘৰৰ পৰা কেবাটাও চোৰাং তেল ভৰ্তি ড্ৰাম জব্দ কৰে আৰক্ষীয়ে । লগতে তেল চুৰিত ব‍্যৱহৃত বিভিন্ন সামগ্ৰী জব্দ কৰে। বে-আইনী ভাৱে চোৰাং তেল মজুদ কৰা আৰু তেল চুৰি সন্দৰ্ভত আইনী ব‍্যৱস্থা গ্ৰহণৰ কৰা হ'ব বুলিও জনায় অতিৰিক্ত আৰক্ষী অধীক্ষক প্ৰকাশ মেধীয়ে।

লগতে পঢ়ক :দীপৰ বিলত বিশ্ব জলাশয় দিৱস উদযাপন