বঙাইগাঁও,15 নৱেম্বৰঃ গুৱাহাটীৰ মালিগাঁৱৰ আনন্দ নগৰৰ নিজ গৃহৰ পৰা ২ নৱেম্বৰৰ পৰা নিৰুদ্দেশ হৈ আছিল 7 বছৰীয়া শিশু এজন। অৱশেষত বঙাইগাঁৱত ৰে'ল আৰক্ষীয়ে শিশুটিক উদ্ধাৰ কৰিবলৈ সক্ষম হয় ৷
বঙাইগাঁও ৰে'ল আৰক্ষীয়ে উদ্ধাৰ কৰিলে চিৰাঙৰ নিৰুদ্দিষ্ট ৭ বছৰীয়া শিশু উল্লেখ্য যে, ২ নৱেম্বৰৰ পৰা মালিগাঁৱৰ আনন্দ নগৰৰ নিজ গৃহৰ পৰা নিৰুদ্দেশ হৈ আছিল শিৱম নামৰ শিশুটি ৷ নিৰুদ্দেশ হৈ থকা শিশুটিক উদ্ধাৰ কৰে বঙাইগাঁও ৰে'ল ষ্টেচনৰ পৰা ৰে'ল আৰক্ষীয়ে শিৱমক যোৱা ১১ নৱেম্বৰত উদ্ধাৰ কৰে ৷ আৰক্ষীয়ে বঙাইগাঁও চহৰৰ কাষৰে বৰ্ষণ গাঁৱৰ প্ৰেৰণা শিশু গৃহক জিলা শিশু সুৰক্ষা গোটৰ জৰিয়তে চমজাই দিয়ে শিৱমক। বঙাইগাঁও ন্যায়িক আদালতৰ জিলা আৰু সত্ৰ ন্যয়াধীশ বিনোদ কুমাৰ ছেত্ৰী আৰু জিলা আইন সেৱা প্ৰাধিকাৰীৰ সচিব চিপি তালুকদাৰে এই বিষয়ে বঙাইগাঁও জিলা আইন সেৱা প্ৰাধিকাৰীৰ স্বেচ্ছা সেৱক শুভংকৰ বৰুৱাক অৱগত কৰাৰ পিচতে শুভংকৰ বৰুৱাই শিশুটিৰ পৰিয়ালক বিচাৰি উলিয়াই পৰিয়ালৰ সৈতে যোগাযোগ কৰে ৷ অৱশেষত শিৱমৰ পৰিয়ালে বঙাইগাঁৱলৈ আহি শিৱমক লৈ যায়।
