বিপিএফ আৰু নৱ শৰণীয়া কোনো ফেক্টৰ নহয়ঃ কংগ্ৰেছ

সমাগত লোকসভা নিৰ্বাচনক কেন্দ্ৰ কৰি এতিয়া প্ৰতিটো ৰাজনৈতিক দলৰ মাজতে দেখা পোৱা গৈছে তৎপৰতা ৷ মঙলবাৰে চিৰাঙৰ বিজনীত কোকৰাঝাৰ সমষ্টিৰ কংগ্ৰেছ প্ৰক্ষেপিত প্ৰাৰ্থী শব্দৰাম ৰাভাক আদৰণি জনায় প্ৰমীলাৰাণী ব্ৰহ্ম আৰু নৱ শৰণীয়া শব্দ ৰাভাৰ বাবে কোনো ফেক্টৰ নহয় বুলি উল্লেখ কৰে প্ৰদেশ কংগ্ৰেছ কমিটিৰ সাধাৰণ সম্পাদক বিশ্বজিৎ ৰায়ে ৷

চিৰাং,3 এপ্ৰিলঃচিৰাং জিলাৰ বিজনীত কংগ্ৰেছৰ সংবাদ মেল ‌। মঙলবাৰে সন্ধিয়া ৬ বজাত চিৰাং জিলাৰ বিজনী স্থিত বড়োবাজাৰ ব্লক কংগ্ৰেছ কমিটিৰ কাৰ্যালয় কমলা ভৱনত কোকৰাঝাৰ লোকসভা সমষ্টিৰ কংগ্ৰেছ দলৰ প্ৰাৰ্থী শব্দৰাম ৰাভাক আদৰণিজনায় চিৰাং জিলা কংগ্ৰেছ আৰু বড়োবাজাৰ ব্লক কংগ্ৰেছে । লগতে এক সংবাদ মেল সম্বোধন কৰি বিজেপি,বিপিএফ, ইউ পিপিএল আৰু সাংসদ নৱ শৰণীয়াক কঠোৰ সমালোচনা কৰে । প্ৰদেশ কংগ্ৰেছৰ সাধাৰণ সম্পাদক বিশ্বজিত ৰায়েও সংবাদ মেল সম্বোধন কৰি কোকৰাঝাৰ লোক সভা সমষ্টিত কংগ্ৰেছ দলৰ প্ৰাৰ্থীৰ বিজয় হোৱাটো নিশ্চিত বুলি দাবী কৰে ।