চিৰাং, 14 নৱেম্বৰ: কোচ ৰাজবংশী জাতীয় মহাসভাৰ চিৰাং জিলা সমিতি ভংগ । শনিবাৰে চিৰাং জিলাৰ কদমতলিত আয়োজিত এক সংবাদ মেলত চিৰাং জিলা সমিতিৰ কোচ ৰাজবংশী জাতীয় মভাসভাৰ সভাপতি নিৰ্মল কুমাৰ ৰায়ে ভংগ কৰি দিয়ে জিলা সমিতিৰ লগতে তিনিখনকৈ আঞ্চলিক সমিতি । জিলা সভাপতিজনে কেতবোৰ বিস্ফোৰক মন্তব্য কৰি কয় যে, কেন্দ্ৰীয় সমিতিৰ সাধাৰণ সম্পাদক বিশ্বজিত ৰায়ে কেতিয়া কি কৰে জিলা সমিতিয়ে একো নাজানে । কোচ ৰাজবংশী জাতীয় মহাসভা এটা অৰাজনৈতিক সংগঠন কিন্ত সম্পাদক বিশ্বজিত ৰায়ে কেতিয়াবা যদি হাগ্ৰামা মহিলাৰীৰ তাত কেতিয়াবা ইউপিপিএল দলৰ প্ৰমোদ বড়োৰ তাত আকৌ কেতিয়াবা বিজেপিৰ তাত গৈ দৰদাম কৰি থাকে । সেয়ে এই সংগঠনত কাঠৰ পুতলা হৈ থকাৰ কোনো যুক্তি নাই বুলিয়ে চুড়ান্ত সিদ্ধান্ত লৈ চিৰাং জিলা সমিতিখন ভংগ কৰি দিয়ে ।
কোচ ৰাজবংশী জাতীয় মহাসভাৰ চিৰাং জিলা সমিতি ভংগ
চিৰাং জিলা সমিতি কোচ ৰাজবংশী জাতীয় মহাসভা ভংগ । কেন্দ্ৰীয় সাধাৰণ সম্পাদক বিশ্বজিত ৰায়ৰ কৰ্ম কাণ্ডত অতিষ্ঠ হৈ চিৰাং জিলা সভাপতি নিৰ্মল কুমাৰ ৰায়ে ভংগ কৰি দিয়ে চিৰাং জিলা সমিতি লগতে তিনিখন আঞ্চলিক সমিতি ৷
কোচৰাজ বংশী জাতীয় মহাসভাৰ চিৰাং জিলা সমিতি ভংগ
নিৰ্মল কুমাৰ ৰায়ে কয় যে, বিশ্বজিত ৰায়ৰ দালালি ৰাইজে প্ৰত্যক্ষ কৰি আছে, বহু আশাৰে কোচ ৰাজবংশী জাতীয় মহাসভাৰ নেতাজনক আদৰি আনি জিলা সমিতি গঠন কৰিছিলো যদিও বাস্তৱত একোৱে নাপালো ৷ বিশ্বজিত ৰায় আচলতে কংগ্ৰেছৰহে মানুহ ৷ সাংগঠনিকভাৱে কোনো ৰাজনৈতিক দলক সমৰ্থন নকৰি বিবেক ভোট দিয়াৰ আহ্বান জনোৱাৰ পক্ষপাতী আছিল যদিও বিশ্বজিত ৰায়ে তেনে নকৰি পোনে পোনে ৰাজনৈতিক দললৈ গৈছে । অৱশ্যে এই কমিটি ভংগ কৰি তেওঁলোকে কোন দল বা সংগঠনত যোগ দিব সেয়া এতিয়াও ঠিক কৰা নাই যদিও যিয়ে আদৰণি জনাব তাতেই যাব ৷ কাৰণ বিটিচিত বাস কৰিলে বড়ো জনগোষ্ঠীৰ লোকসকলৰ সৈতে ভাতৃত্ববোধেৰে মিলিজুলি জীয়াই থাকিব লাগিব । উন্নয়নৰ বাবে আগবাঢ়ি অহা দল সংগঠনক সমৰ্থন জনাই থকাৰ কথাও জনায় সংবাদ মেলত ।