চিৰাঙ, 7 ডিচেম্বৰ:বড়োলেণ্ড আঞ্চলিক পৰিষদ চমুকৈ বিটিচি পৰিষদীয় সমষ্টিৰ দ্বিতীয় পৰ্যায়ৰ নিৰ্বাচনলৈ সাজু হৈছে চিৰাং । বৃহস্পতিবাৰে অনুষ্ঠিত হ'বলগীয়া দ্বিতীয় পৰ্যায়ৰ নিৰ্বাচনৰ বাবে এতিয়া চিৰাঙত পৰিলক্ষিত হৈছে ব্যাপক তৎপৰতা ।
চিৰাং জিলাৰ মুঠ সাতটা পৰিষদীয় সমষ্টিত মুঠ 34 গৰাকী প্ৰাৰ্থীয়ে এইবাৰ নিৰ্বাচনত প্ৰতিদ্বন্দ্বিতা আগবঢ়াইছে । প্ৰাৰ্থীত্ব আগবঢ়োৱাসকলৰ ভিতৰত আছে 29 গৰাকী পুৰুষ আৰু পাঁচ গৰাকী মহিলা ৷ জিলাখনৰ জনজাতি সংৰক্ষিত 13 নম্বৰ চিৰাং সমষ্টিত পাঁচজন, 14 নম্বৰ চিৰাং দুৱাৰ সমষ্টিত তিনিজন, 15 নম্বৰ কাজলগাঁও পৰিষদীয় সমষ্টিত পাঁচজন, 16 নম্বৰ নিছিমা পৰিষদীয় সমষ্টিত তিনিজন, 17 নম্বৰ সুবাইঝাৰ সমষ্টিত চাৰিজন, 18 নম্বৰ মানাস ছেৰফাং সমষ্টিত চাৰিজন আৰু 19 নম্বৰ মুকলি থুৰিবাৰী সমষ্টিত সৰ্বমুঠ ৯ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়াইছে ৷