চিৰাং, 26 জুনঃ চিৰাং জিলাৰ উত্তৰাঞ্চলত বানৰ তাণ্ডৱ ৷ যোৱা দুদিনৰ পৰা হোৱা নেৰানেপেৰা বৰষুণৰ ফলত ভূটানৰ পৰা নামি অহা বাঢ়নি পানীয়ে সৃষ্টি কৰিছে ভয়ংকৰ পৰিস্থিতিৰ ৷ ইতিমধ্যে পুৱতি নিশাৰে পৰা ডাবাবিল, মাদাৰপুৰ, আইপোৱালী,আইনদী ধুবুৰি,মানিকপুৰ সহ অৰ্ধশতাধিক গাঁও প্লাৱিত হৈছে । চৰকাৰী তথ্য অনুসৰি জিলাখনৰ তিনিটা ৰাজহ চক্ৰ ক্ৰমে বেংতল ৰাজহ চক্ৰ, চিদলী ৰাহৰ চক্ৰ আৰু বিজনী ৰাজহ চক্ৰৰ মুঠ আঠখন গাঁওৰ ১৯০৪ জন লোক ক্ষতিগ্ৰস্ত হৈছে । জিলাখনৰ আই নদীৰ লগতে নাঙলভাঙা, টাক্লাই, মাক্ৰা, চম্পাৱতি নৈৰ লগতে বিভিন্ন উপনৈৰ বাঢ়নী পানীয়ে বুৰাই পেলাইছে অৰ্ধশতাধিক গাঁও ।
চিৰাঙত বিধ্বংসী বান