চিৰাং, ২১ জানুৱাৰী : চিৰাঙ জিলাত পুনৰ বনৰীয়া হাতীৰ প্ৰৱেশ জনবসতি অঞ্চলত । বুধবাৰে নিশা মানাহ অভয়াৰণ্য়ৰ পৰা ওলাই অহা এটা বৃহৎ হাতীৰ জাকে উপদ্ৰৱ চলাই বিজনীৰ ২ নং দৈলংঝাৰত । অঞ্চলটোৰ কেইবাটাও ঘৰ ভাঙি লণ্ড ভণ্ড কৰে হাতীৰ জাকটোৱে । লগতে ঘৰত থকা চাউল খাই আৰু ঘৰৰ বিভিন্ন সামগ্ৰী বিনষ্ট কৰে বনৰীয়া হাতীয়ে ।
অঞ্চলটোৰ নিৰেন বৰ্মন নামৰ লোকজনৰ ঘৰ ভাঙি লণ্ড ভণ্ড কৰাত পৰিয়ালটোৰ আশ্ৰয় নোহোৱা হয় । ইফালে গাওঁখনৰ প্ৰভাত বৰ্মনৰ বাগানৰ ১০০ ৰো অধিক তামোল গছ ভাঙি পেলাই । ঘটনাৰ পিছতে দিশহাৰা পৰিয়ালকেইটাই চৰকাৰক ক্ষতিপূৰণৰ দাবী জনায় ।