চিৰাং,1 মে':চিৰাং জিলা উপায়ুক্তৰ কাৰ্যালয়ৰ সভাকক্ষত বিভিন্ন ৰাজনৈতিক দলৰ ভোটগণনা এজেণ্টসকলৰ সৈতে জিলা উপায়ুক্ত, জিলা নিৰ্বাচনী বিষয়াসকলে শনিবাৰে এখনি সভা অনুষ্ঠিত কৰে । ৩১নং চিদলী বিধানসভা নিৰ্বাচনৰ সাধাৰণ পৰ্যবেক্ষক অজয় যাদৱৰ উপস্থিতিত অনুষ্ঠিত এই সভাত বিশেষকৈ ভোট গণনাত মানি চলিবলগীয়া ক’ভিড নীতি নিয়মৰ ওপৰত গুৰুত্ব প্ৰদান কৰা হয় ।
ভোট গণনাত অংশগ্ৰহণ কৰিবলগীয়া প্ৰতিজন বিষয়া, কৰ্মচাৰী তথা দলীয় এজেণ্টে ক’ভিড প্ৰতিষেধক দুপালিকৈ লোৱাৰ প্ৰমাণপত্ৰ নতুবা ৰেপিড এণ্টিজেন টেষ্টৰ নিগেটিভ প্ৰমাণ পত্ৰ থাকিলেহে ভোটগণনা স্থলীলৈ অহাৰ অনুমতি লাভ কৰিব বুলি জনায় । দেওবাৰে পুৱা ৮ বজাৰ পৰা প্ৰথমে পোষ্টেল বেলট আৰু তাৰ পাছত ইভিএমৰ ভোট গণনা কৰা হ’ব ।