চিৰাঙত ধুমুহা বৰষুণৰ তাণ্ডৱ, নিহত 1

গছ বাগৰাৰ ফলত থিতাতে নিহত হয় ধনঞ্জয় দাস (40)ৰ ৷

চিৰাং,13 মে’: সোমবাৰে দুপৰীয়া 12.30 বজাত অহা প্ৰচণ্ড ধুমুহা বৰষুণত গছ বাগৰি বিজনীৰ 2নং ছাতিয়ানগুৰি বানীপাৰাত নিহত হয় এজন ব্যক্তি ৷ ধনঞ্জয় দাস নামৰ লোকজনে হঠাতে অহা ধুমুহা-বৰষুণৰ বাবে এডাল কদম গছৰ তলত ৰৈ থকাৰ সময়তে বাগৰি পৰে গছজোপা ৷ গছ বাগৰাৰ ফলত থিতাতে নিহত হয় ধনঞ্জয় দাস (40)ৰ ৷ উল্লেখ্য যে, জিলাখনৰ আন আন ঠাইতো ধুমুহাই বিস্তৰ ক্ষতি কৰা পৰিলক্ষিত হৈছে ৷ বিজনী চহৰৰ লগতে অন্যান্য ঠাইত ধুমুহা-বৰষুণে বহুলোকৰ ঘৰ-বাৰী তচনচ কৰে ৷