চিৰাং, ৩০ মে': চিৰাং জিলাৰ ভাৰত-ভূটান সীমান্তৰ নিজলাগুৰীত থকা নিজলা নদীৰ দলঙৰ অৱস্থা তেনেই শোচনীয় । সুদীৰ্ঘ ১২ বছৰৰ পৰাই তিনি-চাৰিখন গাঁৱৰ লোকে বাঁহ বান্ধি নিজ পৰিশ্ৰমেৰে যাতায়াতৰ বাবে নিৰ্মান কৰি আহিছে দলংখন । কিন্তু আজিও অৰ্ধ নিৰ্মিত হৈ আছে দলংখন । চৰকাৰী আঁচনিৰ ধনেৰে অৰ্ধ নিৰ্মিত কৰি থোৱাত ৰাইজে নিজেই বাঁহেৰে দলংখন নিৰ্মাণ কৰি যাতায়াত কৰিবলগীয়া হৈছে ।
নিজলাগুৰী গাঁৱৰ পৰা মলানডুবি, ডাউকা বাহা, আমটেকা আদী গাঁৱলৈ যোৱা মূল পথৰ ওপৰত এইখন নিজলা নদীৰ দলংখন ধুমুহাই ক্ষতি কৰাৰ পিচত অসুবিধাত পৰিছে ৰাইজ । লক ডাউন সদৃশ পৰিৱেশৰ বাবে ৰাইজে সমজুৱাভাৱে দলং নিৰ্মান কৰিব পৰা নাই । পানী গচকিয়েই যাতায়াত কৰিছে গাঁওবাসীয়ে ।