চিৰাং, 27 নৱেম্বৰ :বিটিচি নিৰ্বাচনৰ দিন চমু চাপি অহাৰ লগে লগে বৃদ্ধি পাইছে ৰাজনৈতিক দল সমুহৰ তৎপৰতা । লগতে বিটিচিত অব্যাহত আছে বোকা ছটিওৱাৰ ৰাজনীতি । বিটিচিৰ মুল ৰাজনৈতিক দল বিপিএফ-ইউপিপিএলৰ সমান্তৰালকৈ তৎপৰ হৈ পৰিছে কংগ্ৰেছ, বিজেপি,এআইইউডিএফ সহ অন্যান্য ৰাজনৈতিক দল সমূহো।
শুকুৰবাৰে চিৰাঙৰ ভাৰত-ভূটান সীমান্তৰ ১৬ নং নিচিমা পৰিষদীয় সমষ্টিৰ ঔগুৰিত অনুষ্টিত বিপিএফ দলৰ এক নিৰ্বাচনী সভাত অংশগ্ৰহণ কৰে মন্ত্ৰী চন্দন ব্ৰহ্মই ৷
নিৰ্বাচনী সভাত অংশগ্ৰহণ কৰি ব্ৰহ্মই কয় যে, " অসমৰ অতিকে পিচপৰা অঞ্চল আছিল বিটিচি ৷ হাগ্ৰামা মহিলাৰীৰ নেতৃত্বত বিপিএফ দলে আজি বিটিচিক বিশ্ব দৰবাৰলৈ উন্নিত কৰিবলৈ সক্ষম হ‘ল । আজি বিটিচি নিৰ্বাচন অসম বিধান সভা নিৰ্বাচনৰ আধাৰ হৈ পৰিছে । বিটিচিৰ উন্নয়নত সংকিত হৈছে বিৰোধী সকল । বিৰোধী ইউপিপিএল দলে বিপিএফৰ বিৰুদ্ধে দুৰ্নীতিৰ অভিযোগ আনিছিল যদিও ৰাজ্যপাল শাসনৰ সাত মাহে একো দুৰ্নীতিৰ প্ৰমাণ কৰিব নোৱাৰিলে। "
তদুপৰি প্ৰমোদ বড়ো সন্দৰ্ভত চন্দন ব্ৰহ্মই মন্তব্য প্ৰকাশ কৰি প্ৰমোদ বড়োৱে বিটিচি নিৰ্বাচনত ট্ৰেক্টৰ কোম্পানীৰ বিজ্ঞাপনৰ এজেন্ট হিচাপে কাম কৰি আছে বুলিও ইতিকিং কৰে ৷
লগতে পঢ়ক: ‘Cyclone’ কি?
