চিৰাং, ১৪ এপ্ৰিলঃ শনিবাৰে চিৰাং জিলাৰ বিজনী শিলবাৰী আৰু বেংতলৰ নিৰ্বাচনী প্ৰচাৰত অংশগ্ৰহণ কৰি বিস্ফোৰক মন্তব্য বিটিচি প্ৰধান হাগ্ৰামা মহিলাৰীৰ । " নিজৰ নাম সলনি কৰি বেপাৰী প্ৰমোদ বুলি লিখক প্ৰমোদ বড়োৱে । প্ৰমোদ বড়োৱে এবছুত থাকি জাতিটোকহে বিক্ৰী কৰি খাইছে ।" এইকথা যদি প্ৰমোদ বড়োৱে অস্বীকাৰ কৰে প্ৰমানসহ দিম বুলিও প্ৰকাশ কৰে হাগ্ৰামা মহিলাৰীয়ে ।
ইয়াৰোপৰিও তেওঁ কয় যে ছয় জনগোষ্ঠীৰ জনজাতিকৰণৰ মুকলি বিৰোধিতা কৰা ইউ পি পিৰ বাবেও শোচনীয় হ'ব নিৰ্বাচনী ফলাফল । "ইউ পি পি য়ে অইন কোনো জনগোষ্ঠীৰ ভোট নাপায় মাথো বড়ো ভোট লৈ কোনোপধ্যেই জিকিব নোৱাৰে ইউ পি পিয়ে দল । মুঠতে প্ৰমোদ বড়ো আৰু এন ডি এফ বিক লগত লৈ কোনো দিনে জিকিব নোৱাৰে ইউ পি পি এলৰ প্ৰাৰ্থী উৰ্খাউ গৌৰা ব্ৰহ্ম ।" ইফালে, এ আই ইউ ডি এফৰ সন্দৰ্ভত তেওঁ কয় যে, বদৰুদ্দিন আজমল সদায় বিপিএফৰ লগতেই আছে । বদৰুদ্দিন আজমলে যিমানেই যি নকওক কিয় তেওঁ আচলতে আমাৰ লগতহে আছে ।
বিপিএফৰ কোকৰাঝাৰ লোকসভা সমষ্টিৰ প্ৰাৰ্থী প্ৰমিলাৰাণী ব্ৰহ্মৰ হৈ হেলিকপ্টাৰেৰে লৈ চিৰাং জিলাৰ বিজনী শিলবাৰী আৰু বেংতললৈ আহি এইদৰে ঘোৰ কটাক্ষ কৰে বিৰোধী দল তথা প্ৰাৰ্থীসকলে । ইয়াৰোপৰিও, প্ৰথম পৰ্যায়ৰ নিৰ্বাচনত পাঁচখন আসন চাৰিখন আসনেই মিত্ৰজোঁটে পাব বুলি দাবী কৰে হাগ্ৰামা মহিলাৰীয়ে । চিৰাঙৰ নিৰ্বাচনী প্ৰচাৰত হাগ্ৰামা মহিলাৰীৰ লগতে থাকে ৰাজ্যসভাৰ সাংসদ বিশ্বজিত দৈমাৰী, মন্ত্ৰী চন্দন ব্ৰহ্ম, বিজনী সমষ্টিৰ বিধায়ক কমল সিং নাৰ্জাৰী আৰু বিটিচিৰ উপ মুখ্য প্ৰধান খাম্পা বৰগয়াৰী ।