চিৰাং, 17 নৱেম্বৰ : চিৰাং জিলাৰ ১৩ নং চিৰাং পৰিষদীয় সমষ্টিৰ বাসুগাঁৱত মঙলবাৰে বিজেপিৰ নিৰ্বাচনী সভাত অংশগ্ৰহণ কৰে ৰাজ্যিক বিজেপিৰ সভাপতি ৰঞ্জিত দাসৰ লগতে মন্ত্ৰী হিমন্ত বিশ্ব শৰ্মাই । মন্ত্ৰী হিমন্তই সভাত উপস্থিত হৈ কয় যে," বিপিএফ দলে বিগত সময়ত বহু দুৰ্নীতি কৰিলে । আমাৰ সৈতে মিত্ৰতাত থাকি এই দুৰ্নীতি কৰিলে বিপিএফে । গতিকে আগলৈ যাতে দুৰ্নীতি কৰিব নোৱাৰে তাৰ বাবে আমি এইবাৰ নিজাববীয়াকৈ বিটিচিত আহিছো । কাৰো লগত মিত্ৰতা নকৰি আমি বিটিচিবাসীৰ সৈতে মিত্ৰতা কৰিছো। গতিকে ইয়াত মন্ত্ৰী চন্দন ব্ৰহ্মই আৰক্ষীৰ ভয় দেখুৱাই ৰাইজৰ ধন আত্মসাৎ কৰাৰ সময় উকলিল । "
বিপিএফ বিজেপিৰ মিত্ৰদল নহয়, অসম চৰকাৰৰ হে মিত্ৰ দলঃ ৰঞ্জিত দাস তদুপৰি হিমন্ত বিশ্ব শৰ্মাই লাফিকুলৰ হত্যাকাণ্ড সন্দৰ্ভত মন্তব্য প্ৰকাশ কৰি লাফিকুলৰ হত্যা ৰাজনৈতিক হত্যা বুলি আখ্যা দিয়ে ।
সভাত ৰাজ্যিক বিজেপিৰ সভাপতি ৰঞ্জিত দাসেও বিপিএফৰ বিৰুদ্ধে আক্ৰমণাত্মক হৈ কয় যে," বিপিএফৰে আমাৰ কোনো সম্পৰ্ক নাই। বিপিএফৰ বিজেপিৰ মিত্ৰ দল নহয়। অসম চৰকাৰৰ হে মিত্ৰ দল বিপিএফ । গতিকে অহা বিধানসভা নিৰ্বাচনতো বিপিএফৰ সৈতে কোনো মিত্ৰতা নহয় ৷ "
উল্লেখ্য যে,চিৰাঙৰ বাসুগাঁও ৰাজাচাৰাং পথাৰত মঙলবাৰে অনুষ্ঠিত বিজেপিৰ এই সভাত ১৩নং চিৰাং পৰিষদীয় সমষ্টিৰ প্ৰাৰ্থী অলক বসুমতাৰীৰ হৈ নিৰ্বাচনী প্ৰচাৰ চলায় ৰঞ্জিত দাসৰ লগতে মন্ত্ৰী হিমন্ত বিশ্ব শৰ্মাই । উক্ত সভাত জিলাখনৰ দুই সহস্ৰাধিক লোকে অংশগ্ৰহণ কৰে ।
লগতে পঢ়ক:12সংখ্যক ব্ৰীকছ সন্মিলনত অংশগ্ৰহণ প্ৰধানমন্ত্ৰী মোডীৰ
