বিটিচি পৰিষদীয় নিৰ্বাচনৰ বাবে মনোনয়ন দাখিল 7 গৰাকীকৈ লোকৰ

অহা 4 এপ্ৰিলত অনুষ্ঠিত হ'বলগীয়া বিটিচি পৰিষদীয় নিৰ্বাচনৰ বাবে চিৰাং জিলাৰ বিজনী মহকুমাধিপতি কাৰ্যালয়ত আজি মনোনয়ন পত্ৰ দাখিল কৰে 7 গৰাকীকৈ লোকে ।

চিৰাং, 17 মাৰ্চঃ বিটিচি পৰিষদীয় নিৰ্বাচনৰ বাবে দিন চমু চাপি অহাৰ পৰিপ্ৰেক্ষিতত চিৰাং জিলাত বৃদ্ধি পাইছে নিৰ্বাচনী তৎপৰতা । অহা 4 এপ্ৰিলত অনুষ্ঠিত হ'বলগীয়া পৰিষদীয় নিৰ্বাচনৰ বাবে চিৰাং জিলাৰ বিজনী মহকুমাধিপতি কাৰ্যালয়ত আজি মনোনয়ন পত্ৰ দাখিল কৰে 7 গৰাকীকৈ লোকে । জিলাখনৰ বিজনী মহকুমাৰ ১৬ নং জনজাতি সংৰক্ষিত নিছিমা সমষ্টিৰ বাবে বিপিএফ প্ৰাৰ্থী জেমছ বসুমতাৰীয়ে মন্ত্ৰী চন্দন ব্ৰহ্মৰ উপস্থিতিত মনোনয়ন দাখিল কৰে । ইউপিপিএলৰ প্ৰাৰ্থী ৰূপে নিৰ্মল কুমাৰ ব্ৰহ্ম, ১৭ নং জনজাতি সুবাইঝাৰ সমষ্টিৰ বাবে ইউপিপি এলৰ প্ৰাৰ্থী ৰূপে গুণেশ্বৰ গয়াৰী আৰু কংগ্ৰেছৰ প্ৰাৰ্থী ৰূপে অৰুণ নাৰ্জাৰী আৰু ১৮ নং মানাস ছেৰফাং জনজাতি সমষ্টিৰ বাবে ইউপিপিএলৰ প্ৰাৰ্থী সুৰেশ দৈমাৰী লগতে নিৰ্দলীয় প্ৰাৰ্থী ৰূপে মনিয়ন মুছাহাৰীয়ে মনোনয়ন পত্ৰ দাখিল কৰাৰ বিপৰীতে সকলোৰে বাবে মুকলি ১৯ নং থুৰিবাৰী সমষ্টিত চিপিএমৰ লংকেশ্বৰ দেৱৰায়ে মনোনয়ন পত্ৰ দাখিল কৰে ।

লগতে পঢ়কঃচৰকাৰৰ 'দুই সন্তান নীতি'ক ভেঙুচালী জনপ্ৰতিনিধিৰ