বিপিএফৰ পৰিষদীয় সদস্য অতিন হাজঙৰ মনোনয়ন পত্ৰ দাখিল

এসময়ৰ বিপিএফৰ পৰিষদীয় সদস্য অতিন হাজঙৰ মনোনয়ন দাখিল ৷ নিৰ্দলীয় প্ৰাৰ্থী হিচাপে মনোনয়ন দাখিল কৰিলে বিপি এফৰ প্ৰাক্তন পৰিষদীয় সদস্য অতিন হাজঙে ৷

চিৰাং,19 মাৰ্চঃচিৰাং জিলাৰ বিজনী মহকুমাৰ অধীনৰ চাৰিটা পৰিষদীয় সমষ্টিত আজি অন্তিম দিনা মুঠ ১৬ গৰাকী প্ৰাৰ্থীয়ে মনোনয়ন পত্ৰ দাখিল কৰে | মহকুমাটোৰ চাৰি সমষ্টিত দুদিনত সৰ্বমুঠ ২৪ গৰাকী প্ৰাৰ্থীয়ে বিজনী মহকুমাধিপতিৰ কাৰ্যালয়ত সহকাৰী নিৰ্বাচনী বিষয়াৰ ওচৰত নিজৰ মনোনয়ন পত্ৰ দাখিল কৰে | মহকুমাটোৰ চাৰি সমষ্টিত ২৫ গৰাকী প্ৰাৰ্থীৰ ভিতৰত তিনি গৰাকী মহিলা প্ৰাৰ্থীয়ে মনোনয়ন পত্ৰ দাখিল কৰে | লক্ষণীয় যে ১৮ নম্বৰ মানাস ছেৰফাং জনজাতি সমষ্টিৰ পৰিষদীয় সদস্য, বিপিএফৰ নেতা অতিন হাজঙে নিৰ্দলীয় প্ৰাৰ্থী ৰূপে মনোনয়ন পত্ৰ দাখিল কৰে | সমষ্টিটোত এইবাৰ দলে ধনঞ্জয় বসুমতাৰীক প্ৰক্ষেপ কৰিছে | বিজনী মহকুমাৰ ১৯ নম্বৰ সকলোৰে মুকলি থুৰিবাৰী সমষ্টিত পূৰ্বে দুবাৰকৈ নিৰ্বাচিত হোৱা খলিলুৰ ৰহমানে এ আই ইউ ডি এফৰ প্ৰাৰ্থী হিচাপে আৰু কংগ্ৰেছ দলৰ সমৰ্থনত প্ৰাৰ্থীত্ব আগ বঢ়াবইছে | এই সমষ্টিত বিপিএফ সমৰ্থিত অগপ প্ৰাৰ্থী পাৰ্থজিত ৰায়ৰ লগতে ইউ পি পি এলৰ প্ৰাৰ্থী ৰূপে আবু চায়েদ আনচাৰী য়ে মনোনয়ন পত্ৰ দাখিল কৰে ।

লক্ষণীয়ভাৱে বিজনী মহকুমাৰ জনজাতি সংৰক্ষিত নিছিমা,মানাস ছেৰফাং জনজাতি আৰু সকলোৰে বাবে মুকলি ১৯ নম্বৰ থুৰিবাৰী সমষ্টিত একোগৰাকী মহিলা প্ৰাৰ্থীয়ে মনোনয়ন পত্ৰ দাখিল কৰে | অন্তিম দিনা লৈ ১৬ নম্বৰ নিছিমা সমষ্টিত ৩ গৰাকী, আৰু ১৭ নম্বৰ সুবাইঝাৰ সমষ্টিত ৪ গৰাকী, ১৮ নম্বৰ মানাস ছেৰফাং সমষ্টিত ৭ গৰাকী আৰু ১৯ নম্বৰ সকলোৰে মুকলি থুৰিবাৰী সমষ্টিত সৰ্বাধিক ১১ গৰাকী প্ৰাৰ্থীয়ে মনোনয়ন দাখিল কৰে | কাইলৈ ১৯ মাৰ্চত সকলো প্ৰাৰ্থীৰ মনোনয়ন পত্ৰ সমূহ পৰীক্ষা কৰা হ'ব |লগতে চাওকঃ