বি পি এফত যোগদান 90 জন বিজেপি আৰু চি পি এমৰ সদস্য

চিৰাঙত 90 জন বিজেপি আৰু চি পি এম দলৰ সদস্যই যোগদান কৰে বি পি এফ দলত

চিৰাং,২৯ মাৰ্চ: আগন্তুক লোকসভা নিৰ্বাচনৰ বাবে মাজত মাত্ৰ কেইটামান দিন থকাৰ সময়তে ৰাজ্যত ইতিমধ্যেই আৰম্ভ হৈছে প্ৰচাৰ অভিযান । প্ৰচাৰ অভিযানৰ মাজতেই শুকুৰবাৰে চিৰাং জিলাৰ বিজনীত অনুস্থিত এখন সভাত বিজেপি আৰু চি.পি.এম দলৰ প্ৰায় 90 জন লোকে বি.পি.এফ.ত যোগদান কৰে । বিজনী নগৰ সমিতিৰ অধ্যক্ষ ৰমাকান্ত বসুমতাৰী আৰু বি.টি.চি.ৰ প্ৰাক্তন কাৰ্য্যবাহী সদস্য সিংহৰাম বড়োৰ ওচৰতএই সকল লোকে বি.পি.এফ.ত যোগদান কৰে । আনহাতে 26মাৰ্চ তাৰিখে অনুষ্ঠিত হোৱা এখন সভাত শতাধিক লোকে বিপিএফত যোগদান কৰিছিল । এই সন্দৰ্ভত বিজনী নগৰ সমিতিৰ অধ্যক্ষ জনে কয় - ভৱিষ্যতেও এইদৰে বিপিএফত যোগদান কাৰ্যসূচীচলিয়ে থাকিব আৰু ৫ নং কোকৰাঝাৰ লোকসভা সমষ্টিৰ বিপিএফৰ প্ৰাৰ্থী প্ৰমিলা ৰাণীব্ৰহ্ম বিপুল ভোটত জয়ী হ’ব বুলিও দাবী কৰে ।