সদৌ কোঁচ ৰাজবংশী ছাত্ৰ সন্থাৰ চিৰাং শাখাৰ সভাপতিক বহিষ্কাৰ

চিৰাঙত সদৌ কোঁচ ৰাজবংশী ছাত্ৰ সন্থা (আক্ৰাছু)ৰ সংবাদ মেল

চিৰাং,8 আগষ্টঃ বৃহস্পতিবাৰে চিৰাঙত অনুষ্ঠিত হয় চিৰাং শাখাৰ কোঁচ ৰাজবংশী ছাত্ৰ সন্থাৰ সংবাদমেল ৷ চিদলী আঞ্চলিক সমিতিৰ কাৰ্যালয়ত আয়োজিত সংবাদ মেলত চিৰাং জিলা আক্ৰাছুৰ সভাপতি প্ৰাঞ্জল চৌধুৰীক বহিষ্কাৰ কৰি দায়িত্ব অৰ্পণ কৰে ৰঞ্জিত বৰ্মনক ৷ কেন্দ্ৰীয় সভাপতিক অপসাৰণ কৰা সভাত উপস্থিত থকাৰ অপৰাধত বহিষ্কাৰ কৰাৰ কথা সদৰি কৰে সংগঠনটোৱে ৷

উল্লেখ্য যে, বুধবাৰে গুৱাহাটীত এখন সংবাদ মেল অনুষ্ঠিত কৰি উপদেষ্টা হিতেশ্বৰ বৰ্মনে আক্ৰাছু সভাপতি অৰুণ কুমাৰ বৰ্মনক অপসাৰণ কৰাৰ কথা ঘোষণা কৰিছিল ৷