চিৰাঙত পথ দুৰ্ঘটনা; নিহত 2
চিৰাঙত পথ দুৰ্ঘটনাত ৷ থিতাতে নিহত দুজন লোক ৷ ৩১ নং ৰাষ্ট্ৰীয় ঘাই পথৰ দাতিত ৰৈ থকা গাড়ীত খুন্দিওৱাৰ ফলতে সংঘটিত হয় দুৰ্ঘটনা ।
চিৰাং,1 অক্টোবৰঃচিৰাঙৰ ঢালিগাঁও থানাৰ অন্তৰ্গত কুকুৰমাৰীত মঙলবাৰে ৩১ নং ৰাষ্ট্ৰীয় ঘাইপথত সংঘটিত হয় ভয়াবহ পথ দুৰ্ঘটনা। সন্ধিয়া সংঘটিত হোৱা পথ দুৰ্ঘটনাটোত দুজন লোক থিতাতে নিহত হয় । ঘটনাৰ বিৱৰণী অনুসৰি, HR69C4978 নম্বৰৰ মিঠাতেল কঢ়িওৱা ট্ৰাকখন যান্ত্ৰিক বিজুতিৰ বাবে ৰাষ্ট্ৰীয় ঘাইপথৰ দাঁতিত ৰৈ মেৰামতি কৰি আছিল । এনে সময়তে NL01L7946 নম্বৰৰ এখন ট্ৰাকে দ্ৰুত গতিত আহি পাচফালৰ পৰা খুন্দিয়াই ৷ ফলত মেৰামতি কৰি থকা গাড়ীখনে গৈ পথৰ ডিভাইডাৰত বহি চাহ খাই থকা 2 জন লোকক মহটিয়াই নিয়ে ৷ যাৰ বাবে থিতাতে নিহত হয় লোক দুজন ৷ পাচত ঢালিগাঁও আৰক্ষীয়ে ঘটনাস্থলিত উপস্থিত হৈ মৃতদেহ উদ্ধাৰ কৰি কাজলগাঁও জে এচ বি অসামৰিক চিকিৎসালয়লৈ প্ৰেৰণ কৰে । নিহত লোক দুজন এই পৰ্যন্ত চিনাক্ত হোৱা নাই ৷ আনহাতে দুৰ্ঘটনাটোৰ পিচতে ৩১ নং ৰাষ্ট্ৰীয় ঘাইপথত দীৰ্ঘ সময় ধৰি যান-জঁটৰ সৃষ্টি হয় ।