চিৰাং, 30 জুলাই : ৰাজ্যত ক'ভিড-19 আৰু বানপানীৰ তাণ্ডৱ চলি থকাৰ মাজতে বৃহস্পতিবাৰে চিৰাং জিলাত এবছুৰ 24 সংখ্যক সন্ত্ৰাস বিৰোধী দিৱস উদযাপন কৰা হয় ৷ এবছুৰ প্ৰয়াত সভাপতি জৌহোলাও সোম্বলা বসুমতাৰীৰ মৃত্যু তিথিত এবছুয়ে সন্ত্ৰাস বিৰোধী দিৱস হিচাপে উদযাপন কৰি আহিছে ।
চিৰাঙত অনুষ্টুপীয়াকৈ এবছুৰ সন্ত্ৰাস বিৰোধী দিৱস উদযাপন
অনুষ্ঠানৰ আৰম্ভণিতে প্ৰয়াত সোম্বলা বসুমতাৰীৰ প্ৰতিচ্ছবিত মাল্যৰ্পন কৰে তেখেতৰ পত্নী ভানুমতি বসুমতাৰীয়ে । লগতে,অনুষ্ঠানৰ লগত সংগতি ৰাখি গছপুলি ৰোপণ কাৰ্যসূচীৰ আত ধৰে এবছুৰ প্ৰাক্তন সভাপতি তথা ৰাজ্যসভাৰ প্ৰাক্তন সাংসদ উৰ্খাউ গৌৰা ব্ৰহ্মই । ইফালে,উক্ত অনুষ্ঠানতে সন্ত্ৰাস বিৰোধী দিৱস উপলক্ষে এখন আলোচনা চক্ৰ অনুষ্ঠিত কৰা হয় ৷