চিৰাঙত অবড়ো সুৰক্ষা সমিতিৰ বিটিআৰ সন্দৰ্ভত সজাগতা সভা

অবড়ো লোকসকলক সজাগ কৰাৰ উদ্দেশ্যে বিটিআৰ চুক্তি আৰু ট্ৰাইবেল বেল্ট ও ব্লকৰ মাটিত উচ্ছেদ সন্দৰ্ভত উচ্চ ন্যায়ালয়ে দিয়া নিৰ্দেশৰ বিষয়ে বিতং ব্যাখ্যা আগবঢ়ায় অবড়ো সুৰক্ষা সমিতিৰ বিজনী পৰিষদে ৷

চিৰাং,3 ফেব্ৰুৱাৰীঃ চিৰাং জিলাৰ পাণবাৰী থানাৰ অন্তৰ্গত ফেনচি বজাৰত অবড়ো সুৰক্ষা সমিতিৰ সজাগতা সভা ৷ অবড়ো সুৰক্ষা সমিতিৰ নেতা উমাচৰণ চৌধুৰীৰ সভাপতিত্বত অনুষ্ঠিত এই সজাগতা সভাত উদ্ধোধনী ভাষণ দিয়ে অবড়ো সুৰক্ষা সমিতিৰ বিজনী জিলা সম্পাদক আব্দুল আজিজে ৷ তেওঁ কয় যে " বিটিচিৰ ৭৩ শতাংশ অবড়ো লোক আজি সজাগ হ'ব লাগিব এক পক্ষীয় ভাৱে চৰকাৰে কৰা বিটিআৰ চুক্তি আৰু ট্ৰাইবেল বেল্ট ও ব্লকৰ মাটিত উচ্ছেদ সন্দৰ্ভত উচ্চ ন্যায়ালয়ে দিয়া নিৰ্দেশৰ বিষয়ে বিতং ব্যাখ্যা আগবঢ়ায় । এই সজাগতা সভাত বজালী জিলাৰ জমিয়ত উলামাৰ সভাপতি মৌলানা শ্বাহ আলমে কয় য'ত ৭০% অবড়ো ৰাইজে বসবাস কৰি আছে সেয়া কেনেকৈ বিটিআৰ হ'ব পাৰে, ৩০% বড়ো ৰাইজে ৰাজত্ব কৰিব ৰাজ্যত সেইটো কেতিয়াও মানি লোৱা নহয় ৷"

লগতে অবড়ো সুৰক্ষা সমিতিৰ প্ৰাক্তন সম্পাদক জোন দাসে কয় যে, "এনডিএফবিৰে শান্তি চুক্তি স্বাক্ষৰ কৰিলে যিসকলে উগ্ৰপন্থী হৈ থাকোতে শ-শ মানুহ মাৰিলে, তেওঁলোকৰ কাৰণে একো নাই আৰু যি এনডিএফবিয়ে এবিএমছুৰ সভাপতি লাফিকুল ইছলামক দিন দুপৰত হত্যা কৰিলে সেই উগ্ৰপন্থীক ৫ লাখ টকা দিব বিচাৰিছে চৰকাৰে । গতিকে এয়া কেনেধৰণৰ গণতান্ত্ৰিক দেশ বুলিও প্ৰশ্ন কৰে। "মুঠতে এই ধৰণৰ অন্যায় মানি লোৱা ধৰনৰ হ'বই নোৱাৰে । আমি অসমীয়া, অসমীয়া হৈ থাকিম আৰু অন্যায়ৰ প্ৰতিবাদ কৰি যাম বুলি হুংকাৰ দিয়ে অবড়ো সমিতিৰ প্ৰাক্তন সম্পাদকজনে ৷

শেহতীয়াকৈ চৰকাৰে বড়োসকলৰ সৈতে কৰা তৃতীয়খন চুক্তিৰ বিৰোধিতাৰে ধাৰাবাহিকভাৱে অবড়ো সুৰক্ষা সমিতিয়ে আন্দোলন কৰি আছে আৰু ইয়াৰ অংশ হিচাপে গ্ৰামাঞ্চলৰ লোকসকলক বিটিআৰ চুক্তি তথা ইয়াৰ অবড়ো লোকসকলৰ সকলোধৰণৰ অধিকাৰ খৰ্ব কৰা সন্দৰ্ভত সজাগতাৰ সৃষ্টিৰে এই ধৰণৰ সভা অনুষ্ঠিত কৰা পৰিলক্ষিত হৈছে ।

লগতে পঢ়কঃবি টি আৰ চুক্তিয়ে অজনজাতীয় সকলৰ অধিকাৰ খৰ্ব কৰিছেঃ আক্ৰাছু