চিৰাং,27 মে’:ৰাজ্যত অব্যাহত আছে চোৰাং কয়লাৰ ৰমৰমীয়া বেহা ৷ কাল কৰ’ণাৰ ভয়াবহতাৰ জাৰি কৰা সান্ধ্য আইনৰ মাজতে চিৰাং আৰক্ষীৰ অভিযানত জব্দ হৈছে অবৈধভাৱে সৰবৰাহ কৰা 4খন কয়লা ভৰ্তি ট্ৰাক ৷ চিৰাং জিলাৰ চিদলী থানাৰ অন্তৰ্গত কাশিকত্ৰাৰ 31 নং চি ৰাষ্ট্ৰীয় ঘাই পথত কয়লাৰ গাড়ীকেইখন জব্দ কৰা হয় ৷ পি বি ০১ এ এইচ ৯৯৩৭, পি বি ০৫এ বি ৯৭১৮, পি বি ১১ বি এ ৯৪২৫, ডব্লিউ বি ৩৯ বি ৬৭৩৮ নম্বৰৰ ট্ৰাক গাড়ী কেইখন জব্দ কৰিবলৈ সক্ষম হৈছে আৰক্ষীয়ে ।
চিৰাঙত জব্দ 4খন চোৰাং কয়লা ভৰ্তি ট্ৰাক - চিদলী থানা
চিৰাঙত আৰক্ষীৰ অভিযানত জব্দ চাৰিখনকৈ চোৰাং কয়লা ভৰ্তি ট্ৰাক । গোচৰ পঞ্জীয়ন কৰি আৰক্ষীয়ে তদন্ত অব্যাহত ৰাখিছে ।
চিৰাঙত জব্দ 4খন চোৰাং কয়লা ভৰ্তি ট্ৰাক
জানিব পৰা মতে, ইয়াৰে দুখন গাড়ী সোণাপুৰৰ পৰা কয়লা ভৰ্তি কৰি হোজাইৰ লংকাৰ পৰা এখন আৰু দুধনৈৰ পৰা আন এখন গাড়ীত কয়লা ভৰ্তি কৰিছিল বুলি জানিব পৰা গৈছে ৷ আৰক্ষীৰ সূত্ৰই জনোৱা অনুসৰি, চিৰাঙৰ কাশিকত্ৰাত নিশা চিদলী আৰক্ষীয়ে ট্ৰাক কেইখন ৰাখিবলৈ নিৰ্দেশ দিছিল যদিও আৰক্ষীৰ বেৰিকেড ভাঙি পলাই যাবলৈ চেষ্টা কৰিছিল চোৰাংভাৱে কয়লা সৰবৰাহ কৰা ট্ৰাক কেইখনে ৷ কিন্তু চিৰাং আৰক্ষীৰ তৎপৰতাত জব্দ কৰিবলৈ সক্ষম হয় চোৰাংভাৱে কয়লা সৰবৰাহ কৰা ট্ৰাক কেইখন ৷ ইতিমধ্যে আৰক্ষীয়ে চিদলী থানাত এই সম্পৰ্কে গোচৰ ৰুজু কৰি আৰম্ভ কৰিছে তদন্ত ।
চিৰাঙত জব্দ 4খন চোৰাং কয়লা ভৰ্তি ট্ৰাক
লগতে পঢ়ক:ডবকাৰ টোলগেটত উত্তপ্ত পৰিস্থিতি