চন্দন ব্ৰহ্মৰ পৰা পৰিত্ৰান বিচাৰিছে চিদলী বাসীয়ে: জয়ন্ত বসুমতাৰী

চিৰাঙৰ চিদলী সমষ্টিৰ ভোট গণনা কেন্দ্ৰত আৰম্ভ হৈছে ভোট গণনা প্ৰক্ৰিয়া । এইবাৰ চিদলী সমষ্টিৰ ভোটাৰসকলে তিনিবাৰকৈ বিধায়ক হোৱা চন্দন ব্ৰহ্মৰ পৰা পৰিত্ৰান বিচাৰি ভোটদান কৰিছে আৰু জয়ন্ত বসুমতাৰীৰ বিজয় নিশ্চিত বুলি মন্তব্য মন্ত্ৰী চন্দন ব্ৰহ্মৰ প্ৰতিদ্বন্দী ইউপিপিএল দলৰ প্ৰাৰ্থী (বিজেপি মিত্ৰজোঁট) জয়ন্ত বসুমতাৰীৰ ।

চিৰাং, ২ মে': পুৱা ৮ বজাৰ লগে লগে ৰাজ্যজুৰি আৰম্ভ হৈছে ভোট গণনা । চিৰাঙ জিলাতো ইতিমধ্যে আৰম্ভ হৈছে ভোট গণনা প্ৰক্ৰিয়া । প্ৰথমে পোষ্টেল বেলটৰ গণনা আৰম্ভ হৈছে । চিৰাং জিলা সদৰ কাজলগাঁৱৰ পেৰেড গ্ৰাউণ্ডত অনুষ্ঠিত হৈছে ভোট গণনা প্ৰক্ৰিয়া । ৩১ নং চিদলী (জনজাতী) বিধান সভা সমষ্টিৰ ভোট গণনা কেন্দ্ৰত কটকটীয়া নিৰাপত্তাৰ মাজেৰে সম্পূৰ্ণ ক'ভিড নীতি-নিয়মৰ মাজেৰে ভোট গণনাৰ ব্যৱস্থা কৰা হৈছে ।

ইপিনে, পুৱাই ভোট গণনা কেন্দ্ৰত উপস্থিত হোৱা দেখা গৈছে ইউপিপিএল দলৰ প্ৰাৰ্থী (বিজেপি মিত্ৰজোঁট) জয়ন্ত বসুমতাৰী । বসুমতাৰীয়ে কয় যে এইবাৰ চিদলী সমষ্টিৰ ভোটাৰসকলে তিনিবাৰকৈ বিধায়ক হোৱা চন্দন ব্ৰহ্মৰ পৰা পৰিত্ৰান বিচাৰি ভোটদান কৰিছে আৰু জয়ন্ত বসুমতাৰীৰ বিজয় নিশ্চিত বুলি মন্তব্য কৰে ।

লগতে পঢ়ক: ৰাজ্যত পুনৰ ফুলিব পদুম:সুমন হৰিপ্ৰিয়া