চিৰাং, 25 ছেপ্তেম্বৰ: বিটিচি নিৰ্বাচন অনুষ্ঠিত কৰাৰ দাবীৰে শুকুৰবাৰে চিৰাঙত বিপিএফৰ প্ৰায় 5 শতাধিক লোকে এক সমদল উলিয়াই, জিলা উপায়ুক্তৰ জৰিয়তে মুখ্যমন্ত্ৰী আৰু নিৰ্বাচন আয়োগলৈ স্মাৰক প্ৰেৰণ কৰে ৷ বিপিএফৰ এই কাৰ্যসূচীত পানীৰাম ব্ৰহ্ম,জেমচ বসুমতাৰীকে ধৰি বহু কেইগৰাকী দলীয় নেতা উপস্থিত থাকে ৷ সমদলৰ অন্তত পুনৰ জিলা বিপিএফৰ কাৰ্যালয়ত আহি বিটিচিৰ প্ৰাক্তন উপমুখ্য খাম্পা বৰগয়াৰীয়ে এক সভাত অংশগ্ৰহণ কৰে দলটোৱে ৷ বিটিচিৰ প্ৰাক্তন উপমুখ্য খাম্পা বৰগয়াৰীয়ে সংবাদ মাধ্যমযোগে বিটিচি নিৰ্বাচন বিলম্ব কৰি বিটিচিবাসীৰ গণতান্ত্ৰিক অধিকাৰ ৰাজ্য চৰকাৰ আৰু নিৰ্বাচন আয়োগে খৰ্ব কৰিছে বুলি অভিযোগ কৰে ৷
বিটিচি নিৰ্বাচন বিলম্ব কৰি বিটিচিবাসীৰ গণতান্ত্ৰিক অধিকাৰ খৰ্ব কৰিছে:খাম্পা বৰগয়াৰী