চিৰাং, 25 মে':ৰাজ্যত এতিয়াও অব্যাহত আছে বাৰ্মিজ চুপাৰিৰ চিণ্ডিকেটৰাজ ৷ বঙাইগাঁও আৰু চিৰাং জিলাৰ সীমামূৰীয়া অঞ্চল বিজনীৰ চৌৰাগুৰিত আৰক্ষীয়ে এক অভিযান চলাই বৃহৎ পৰিমাণৰ বাৰ্মিজ চুপাৰি জব্দ কৰিবলৈ সক্ষম হয় ৷ উক্ত অঞ্চলত বাৰ্মিজ চুপাৰীৰ আন্তৰ্জাতিক চোৰাং ব্যৱসায়ৰ সৈতে জড়িত এক চিণ্ডিকেট চক্ৰ বহু দিনৰ পৰা সক্ৰিয় হৈ আছিল ৷
বিজনীত ১৪০ বেগ বাৰ্মিজ চুপাৰি জব্দ বঙাইগাঁও আৰক্ষীৰ
এই চিণ্ডিকেট চক্ৰটোৰ বিৰুদ্ধে এক গোপন সূত্ৰৰ পম খেদি শ্বপন কুমাৰ সৰকাৰ নামৰ ব্যক্তি এজনৰ বাসগৃহৰ পৰা অবৈধ ভাৱে মজুত ৰখা তিনি ট্ৰাক অৰ্থাৎ প্ৰায় ১৪০ বেগ চুপাৰি জব্দ কৰে বঙাইগাঁও আৰক্ষীয়ে ৷ লগতে বাসগৃহটোত বাংলাদেশত নিৰ্মিত কেইবাটাও মৰাপাটেৰে তৈয়াৰী বস্তাও জব্দ কৰে আৰক্ষীয়ে।