বঙাইগাঁৱত বাইক চোৰ আটক

বঙাইগাঁও চহৰত সঘনে বাইক চুৰি, ধন লুটৰ দৰে ঘটনা সংঘটিত হৈ থকাৰ সময়তে বৃহস্পতিবাৰে বিয়লি এজন বাইক চোৰক আটক কৰে স্থানীয় লোকে ৷

বঙাইগাঁও, 31 মে':ধৃত বাইক চুৰটোৰ গোৱালপাৰাৰ বলদমাৰীৰ হবিবৰ ৰহমান (40) বুলি জানিব পৰা গৈছে ৷ যুৱক দুজনে হবিবৰক বঙাইগাঁও সদৰ থানাত চমজাই দিয়াৰ লগতে ঘটনা সম্পৰ্কত এখন এজাহাৰ দাখিল কৰে ৷ হবিবৰ ৰহমানৰ পৰা আৰক্ষীয়ে একোছা মাষ্টাৰ চাবি, এটা মোবাইল, দুটা এলটি ৰেন্স আৰু এটা বাইকৰ চাবি উদ্ধাৰ কৰে ৷ বৰ্তমান আৰক্ষীয়ে ধৃত চোৰটোক সোধ পোছ অব্যাহত ৰাখিছে ৷