বঙাইগাঁৱৰ ভাকাৰিভিটাৰ বিবাহস্থলীত যুৱকৰ তাণ্ডৱ

চোকা অস্ত্ৰৰে মাজেন ৰায় নামৰ যুৱকে কৰা আক্ৰমণত আহত ৰথীন বৰ্মন, দিগন্ত ৰায়, বুবুল দাস আৰু স্বপন বৰ্মন

চিৰাং, 29 এপ্ৰিলঃ সোমবাৰে পুৱতি নিশা বঙাইগাঁও সদৰৰ ভাকাৰীভিটাত বিবাহস্থলীত উদণ্ড যুৱকৰ তাণ্ডৱ । উদণ্ড যুৱকে চোকা অস্ত্ৰৰে ঘপিয়ালে বিয়াঘৰৰ চাৰিজনকৈ লোকক। ধুবুৰীৰ চাপৰ শালকোচাৰ পৰা ভাকাৰীভিটালৈ আহিছিল দৰাপক্ষ । বিবাহ কাৰ্য সম্পন্ন হোৱাৰ পিচত সংঘটিত হয় এই ঘটনা । চোকা অস্ত্ৰসহ মাজেন ৰায়ে সংঘটিত কৰে এই ঘটনা ।

আৰু পঢ়কঃ 9 ৰাজ্যৰ 71টা সমষ্টিত ভোটগ্ৰহণ আৰম্ভ

ইতিমধ্যে বঙাইগাঁও আৰক্ষীয়ে মাজেন ৰায়ক আটক কৰিছে । যুৱক জনৰ আক্ৰমণত বেয়াকৈ আঘাতপ্ৰাপ্ত হয় ৰথীন বৰ্মন, দিগন্ত ৰায়, বুবুল দাস আৰু স্বপন বৰ্মন । ইয়াৰে ৰথীন বৰ্মনৰ অৱস্থা সংকটজনক বুলি জানিব পৰা গৈছে । এই ধৰণৰ ঘটনাক অঞ্চলবাসীয়ে সৰ্বত্ৰে গৰিহণা দিয়াৰ লগতে অতি শীঘ্ৰেই দোষীক শাস্তি দিয়াৰ দাবী উত্থাপন কৰিছে ৷