চিৰাঙৰ কাজলগাঁৱত বোমাতংক

কাজলগাঁৱৰ গাঁওবুঢ়া ভৱন আৰু জিলা ন্যায়িক আদালতৰ সন্মুখত কাজলগাঁও-বেংতল সংযোগী এক পথত বোমাতংক । ঘটনাস্থলীত আৰক্ষী উপস্থিত হৈ আৰম্ভ কৰিছে তদন্ত ৷

চিৰাং,30 মে’:চিৰাং জিলাৰ কাজলগাঁৱত বোমাতংক । দেওবাৰে জিলা সদৰ কাজলগাঁৱৰ গাঁওবুঢ়া ভৱন আৰু জিলা ন্যায়িক আদালতৰ সন্মুখত কাজলগাঁও-বেংতল সংযোগী এক পথত এটা বোমা সদৃশ বস্তু প্ৰত্যক্ষ কৰাৰ পিছতেই সৃষ্টি হয় আতংকৰ ।

তাৰ পাচতেই ঘটনাস্থলীত উপস্থিত হয় আৰক্ষীৰ দল ৷ ইতিমধ্যে সেনা আৰক্ষীয়ে বোমা সদৃশ বস্তুবিধক ব্লেংকেটেৰে ঢাকি ৰাখে ৷ সম্প্ৰতি পথচোৱা সেনা-আৰক্ষীয়ে ঘেৰি লৈছে । ইতিমধ্যে ঘটনাস্থলীত উপস্থিত হৈছে জিলা আৰক্ষী অধীক্ষক গৌৰৱ উপাধ্যায় ৷ তেওঁ জনোৱা অনুসৰি, গুৱাহাটীৰ পৰা বোমা বিষেজ্ঞৰ দল আহি আছে ।

আনকি এই ঘটনাৰ খবৰ লাভ কৰি ঘটনাস্থলীত উপস্থিত হৈছে চিদলী সমষ্টিৰ বিধায়ক জয়ন্ত বসুমতাৰী ৷ বিধায়ক গৰাকীয়ে ঘটনাস্থলীত উপস্থিত হৈ কোনো দুষ্ট চক্ৰই এই অপ্ৰীতিকৰ ঘটনা সংঘটিত কৰিবলৈ অপচেষ্টা কৰা বুলি ব্যক্ত কৰে ৷ যাক আৰক্ষীয়ে বিফল কৰা বুলি মন্তব্য কৰে বিধায়ক গৰাকীয়ে ৷

লগতে পঢ়ত:কলগাছিয়া অসামৰিক চিকিৎসালয় আকস্মিক পৰিদৰ্শন উপায়ুক্তৰ