মাগুৰমাৰীত নাওখেলৰ মাজতে দুটা ফৈদৰ সমৰ্থকৰ সংঘাত

খাৰুপেটীয়াৰ নিকটৱৰ্তী 1 নং মাগুৰমাৰীৰ নতুন বজাৰত নাওখেল প্ৰতিযোগিতা ৷ প্ৰথম ৰাউণ্ডৰ খেল সমাপ্ত হোৱাৰ পাচতেই খেলখনক লৈ উত্তেজিত হৈ পৰে দুটা দলৰ একাংশ সমৰ্থক । দুই দলৰ কৰ্মী-সমৰ্থকৰ মাজত হতাহতিৰ সৃষ্টি ৷

দলগাঁও,4 অক্টোবৰ: ব্ৰহ্মপুত্ৰৰ দাঁতিকাষৰীয়া তথা খাৰুপেটীয়াৰ নিকটৱৰ্তী 1 নং মাগুৰমাৰীৰ নতুন বজাৰত দেওবাৰে অনুষ্ঠিত হয় এখন নাওখেল প্ৰতিযোগিতা । ধূলা থানাৰ অন্তৰ্গত 1 নং মাগুৰমাৰীৰ নতুন বজাৰ কমিটীৰ উদোগত অনুষ্ঠিত নাওখেলত সৰু-বৰ সকলো নাৱৰে অংশগ্ৰহণ কৰে 10 টাকৈ দলে । খেলখন উপভোগ কৰিবলৈ বিভিন্ন অঞ্চলৰ কণ কণ শিশুৰ পৰা আৰম্ভ কৰি বৃদ্ধলৈকে হাজাৰ হাজাৰ দৰ্শক উপস্থিত হয় ৷

তিনিটা ভাগত ভাগ কৰি অনুষ্ঠিত কৰা প্ৰতিযোগিতাখনত প্ৰথম স্থান দখল কৰে খৰিকাটা চাপৰিৰ মাহা আলিৰ দলটোৱে । প্ৰথম ৰাউণ্ডৰ খেল সমাপ্ত হোৱাৰ পাচতেই খেলখনক লৈ উত্তেজিত হৈ পৰে দুটা দলৰ একাংশ সমৰ্থক ।

ইয়াৰ পাচতে দুই দলৰ কৰ্মী-সমৰ্থকৰ মাজত হতাহতিৰ সৃষ্টি হয় । অৱশ্যে খেলখনত উপস্থিত থকা একাংশ লোকৰ হস্তক্ষেপত পৰিস্থিতি নিয়ন্ত্ৰণ হোৱাৰ পাচত পুনৰ আৰম্ভ হয় প্ৰতিযোগিতাখন ।

লগতে পঢ়ক:দিন দুপৰতে আৰক্ষীৰ বাহনত আক্ৰমণ কাঠ মাফিয়াৰ