চিৰাং,১৮ মাৰ্চ: বৃহস্পতিবাৰে ৩৩ নং বিজনী বিধানসভা সমষ্টিৰ অসম জাতীয় পৰিষদৰ প্ৰাৰ্থী ৰূপম কুমাৰ দাসে মনোনয়ন দাখিল কৰে । সমষ্টিটোৰ কেইবাহেজাৰ লোকক লগত লৈ প্ৰাক্তন ছাত্ৰ নেতাজনে বিজনী মহকুমাধিপতি তথা নিৰ্বাচনী বিষয়াৰ ওচৰত মনোনয়ন দাখিল কৰে ।
বিজনীত ৰূপম কুমাৰ দাসৰ মনোনয়ন দাখিল
চিৰাঙৰ বিজনীত অসম জাতীয় পৰিষদৰ প্ৰাৰ্থী ৰূপম কুমাৰ দাসৰ মনোনয়ন দাখিল । বিজনী সমষ্টিৰ প্ৰাৰ্থীজনে মনোনয়ন দাখিল কৰিয়ে বিপিএফ, ইউপিপিএল আৰু বিজেপি দলক সমালোচনা কৰাৰ লগতে নিজৰ জয় নিশ্চিত বুলি দাবী কৰে ।
বিজনীত এজেপি প্ৰাৰ্থী ৰূপম কুমাৰ দাসৰ মনোনয়ন দাখিল
মনোনয়ন দাখিলৰ পিছতে সংবাদ মাধ্যমক উদ্দেশ্যি দাসে কয় যে, বিজেপি নেতৃত্বাধীন চৰকাৰখনে নাগৰিকত্ব সংশোধনী আইনখন আনি অসম তথা অসমীয়াৰ অস্তিত্ব ধ্বংস কৰিব বিচাৰিছে । বিজেপিয়ে অসমৰ এপদ এপদকৈ সকলো ৰাজহুৱা উদ্যোগ প্ৰতিষ্ঠান ব্যক্তিগতকৰণ কৰিব লৈছে বুলিও তেওঁ অভিযোগ তোলে ।
গতিকে বিজেপিক অসমৰ পৰা আঁতৰ কৰাৰ স্বাৰ্থত অসম জাতীয় পৰিষদৰ হৈ তেওঁ নিৰ্বাচনত প্ৰতিদ্বন্দ্বিতা কৰিবলগীয়া হৈছে বুলি উল্লেখ কৰে । বিগত সময়ত বিপিএফৰ বিধায়কে বিজনী সমষ্টিত দীৰ্ঘদিন থকাৰ পিছতো আশানুৰূপ কোনো কাম কৰিব নোৱাৰাত আজি সমষ্টিটোৰ লোক ওলাই আহিছে অসম জাতীয় পৰিষদৰ প্ৰাৰ্থীক জয়ী কৰোৱাৰ বাবে ৷ গতিকে বিজয় নিশ্চিত বুলি দাবী কৰে প্ৰাৰ্থীজনে । মনোনয়ন দাখিলৰ সময়ত জিলা সভাপতি খলিলুৰ ৰহমানসহ বহু নেতা কৰ্মী উপস্থিত থাকে।
লগতে পঢ়ক:দুধনৈ সমষ্টিৰ বিজেপি প্ৰাৰ্থী শ্যামজিত ৰাভাৰ মনোনয়ন দাখিল