চিৰাং, ৮ ছেপ্তেম্বৰ: ভাৰতৰ স্বাধীনতাৰ ৭৫ বছৰ সম্পূৰ্ণ হোৱাৰ আনন্দত এইবাৰ দেশত উদযাপন কৰা হৈছে "আজাদী কা অমৃত মহোৎসৱ" । অমৃত মহোৎসৱ উপলক্ষে চি আৰ পি এফ, ভাৰতীয় সেনা, সশস্ত্ৰ সীমা বল, অসম ৰাইফলছৰ জোৱানে চাইকেল ৰেলীৰ আয়োজন কৰিছে । দিল্লীৰ ৰাজঘাটলৈ উলিওৱা চাইকেল ৰেলীত অংশ লৈছে জোৱানসকলে ।
অসম ৰাইফলছৰ জোৱানসকলেও শ্বিলঙৰ পৰা দিল্লীলৈ চাইকেলেৰে যাত্ৰা আৰম্ভ কৰিছে । 'ফ্ৰীদম চাইকেল ৰেলী'ত অংশ লোৱা ৩২ জনীয়া চাইক্লিষ্টৰ দলটো মঙলবাৰে চিৰাঙত উপস্থিত হয় আৰু ঢালিগাঁওস্থিত বঙাইগাঁও শোধনাগাৰত জোৱানসকলক উষ্ম আদৰণি জনোৱা হয় । চিৰাঙৰ বঙাইগাঁও শোধনাগাৰৰ বিষয়ববীয়াসকলে তেওঁলোকক এই যাত্ৰাৰ বাবে শুভেচ্ছা জনায় ।